சிபிஎல் 2021: இமாலய இலக்கை நிர்ணயித்த தலாவாஸ்!

செயிண்ட் லூசியா கிங்ஸ் அணிக்கெதிரான போட்டியில் ஜமைக்கா தலாவாஸ் அணி 256 ரன்களை இலக்காக நிர்ணயித்துள்ளது.

நடப்பாண்டு சிபிஎல் தொடரின் இன்று நடைபெற்றுவரும் 3ஆவது லீக் ஆட்டத்தில் செயிண்ட் லூசியா கிங்ஸ் அணி, ஜமைக்கா தலாவாஸ் அணியுடன் பலப்பரீட்சை நடத்தி வருகிறது. இதில் டாஸ் வென்ற கிங்ஸ் அணி முதலில் பந்துவீச தீர்மானித்தது. 

அதன்படி களமிறங்கிய தலாவாஸ் அணிக்கு லூயிஸ் - வால்டன் இணை அதிரடியான தொடக்கத்தைக் கொடுத்தது. இதில் இருவரும் அரைசதமடிப்பர் என எதிர்பார்க்கப்பட்ட நிலையில் லூயிஸ் 48 ரன்களிலும், வால்டன் 47 ரன்களிலும் ஆட்டமிழந்து வெளியேறினர். 

பின்னர் களமிறங்கிய ஹைதர் அலி - ரோவ்மன் பாவல் இணை மைதானத்தில் சிக்சர் மழை பொழிதது. பின் 18ஆவது ஓவரை வீசிய ஓபெட் மெக்காய் அடுத்தடுத்து பாவல், ஹைதர்ல் ஹலி, பிராத்வையிட் ஆகியோரது விக்கெட்டுகளை கைப்பற்றி அசத்தினார். 

அதைத்தொடர்ந்து களமிறங்கிய ரஸ்ஸல் தனது பங்கிற்கு சில பவுண்டரிகளை பறக்கவிட்டு அசத்தினார். மேலும் 14 பந்துகளிலேயே அரைசதம் கடந்து, சிபிஎல் தொடர் வரலாற்றி குறைந்த பந்தில் அரைசதமடித்த வீரர் எனும் சாதனையையும் படைத்தார். 

இதன் மூலம் 20 ஓவர்கள் முடிவில் ஜமைக்கா தலாவாஸ் அணி 5 விக்கெட்டுகளை மட்டும் இழந்து 255 ரன்களைச் சேர்த்தது. கிங்ஸ் அணி தரப்பில் ஒபேட் மெக்காய் 3 விக்கெட்டுகளை கைப்பற்றினார்.