வெஸ்ட் இண்டீஸ் டெஸ்ட் அணியின் பயிற்சியாளராகவும் டேரன் சமி நியமனம்!
வெஸ்ட் இண்டீஸின் ஒருநாள் மற்றும் டி20 அணியின் தலைமை பயிற்சியாளராக செயல்பட்டு வரும் அந்த அணியின் முன்னாள் கேப்டன் டேரன் சமி தற்சமயம் வெஸ்ட் இண்டீஸ் டெஸ்ட் அணியின் தலைமை பயிற்சியாளராகவும் நியமிக்கப்பட்டுள்ளார்
வங்கதேச அணி தற்சமயம் வெஸ்ட் இண்டீஸில் சுற்றுப்பயணம் செய்து 2 போட்டிகள் கொண்ட டெஸ்ட் போட்டியிலும், 3 போட்டிகள் கொண்ட ஒருநாள் மற்றும் டி20 தொடரில் விளையாடி வருகிறது. இதில் இரு அணிகளுக்கும் இடையேயான டெஸ்ட் தொடரானது 1-1 என்ற கணக்கில் தொடரை சமன்செய்த நிலையில், ஒருநாள் தொடரை வெஸ்ட் இண்டீஸ் அணி 3-0 என்ற கணக்கில் கைப்பற்றி அசத்தியது.
இதனையடுத்து வெஸ்ட் இண்டீஸ் - வங்கதேச அணிகளுக்கு இடையேயான டி20 தொடரானது நடைபெற்று வருகிறது. இதில் நடந்து முடிந்த முதல் டி20 போட்டியில் வங்கதேச அணி 7 ரன்கள் வித்தியாசத்தில் த்ரில் வெற்றியைப் பதிவுசெய்து அசத்தியதுடன் 1-0 என்ற கணக்கில் தொடரிலும் முன்னிலைப் பெற்றுள்ளது. இதனையடுத்து தொட்ரின் வெற்றியாளரைத் தீர்மானிக்கும் இரு அணிகளுக்கும் இடையேயான இரண்டாவது டி20 போட்டி நாளை செயின்ட் வின்சென்டில் நடைபெறவுள்ளது.
Trending
இந்நிலையில் வெஸ்ட் இண்டீஸ் அணியின் ஒருநாள் மற்றும் டி20 அணியின் தலைமை பயிற்சியாளராக செயல்பட்டு வரும் அந்த அணியின் முன்னாள் கேப்டன் டேரன் சமி தற்சமயம் வெஸ்ட் இண்டீஸ் டெஸ்ட் அணியின் தலைமை பயிற்சியாளராகவும் நியமிக்கப்பட்டுள்ளார். இதற்கு முன் கடந்த 2023ஆம் ஆண்டும் ஒருநாள் உலகக்கோப்பை கிரிக்கெட் தொடருக்கு முன்னதாக வெஸ்ட் இண்டீஸ் அணியின் தலைமை பயிற்சியாளராக டேரன் சமி நியமிக்கப்பட்டிருந்தார்.
அதன்படி நடைபெற்று வரும் உலக டெஸ்ட் சாம்பியன்ஷிப் தொடரின் வெஸ்ட் இண்டீஸ் பயணம் முடிவடையும் ஏப்ரல் மாதம் முதல் டேரன் சமி டெஸ்ட் அணியின் பயிற்சியாளர் பொறுப்பை ஏற்ப்பார் என்றும் அறிவிக்கப்பட்டுள்ளது. அதற்கு முன்னதாக பாகிஸ்தானில் சுற்றுப்பயணம் மேற்கொள்ளும் விண்டீஸ் அணி அங்கு இரண்டு போட்டிகள் கொண்ட டெஸ்ட் தொடரில் விளையாடவுள்ளது. அதுவரை அணியின் பயிற்சியாளராக ஆண்ட்ரே கோலே தொடர்வார் என்றும் அறிவிக்கப்பட்டுள்ளது.
Also Read: Funding To Save Test Cricket
வெஸ்ட் இண்டீஸ் அணியின் முன்னாள் கேப்டனாக அறியப்படும் டேரன் சமி இதுவரை வெஸ்ட் இண்டீஸ் அணிக்காக 38 டெஸ்ட் போட்டிகளிலும், 126 டெஸ்ட் போட்டிகளிலும், 68 டி20 போட்டிகளிலும் விளையாடி 4 ஆயிரத்திற்கும் மேற்பட்ட ரன்களையும், 200க்கும் அதிகமான விக்கெட்டுகளையும் கைப்பற்றியுள்ளார். இது தவிர 2014 மற்றும் 2016ஆம் ஆண்டு நடைபெற்ற டி20 உலகக் கோப்பை தொடரில் டேரன் சமி தலைமையிலான வெஸ்ட் இண்டீஸ் அணி சாம்பியன் பட்டத்தை வென்று சரித்திரம் படைத்தது குறிப்பிடத்தக்கது.
Win Big, Make Your Cricket Tales Now
