எட்டாவது சீசன் டி20 உலகக்கோப்பை கிரிக்கெட் தொடர் இன்னும் சில தினங்களங்களில் தொடங்க உள்ளது. ஆஸ்திரேலியாவில் நடைபெற இந்த தொடருக்காக ஒட்டுமொத்த கிரிக்கெட் உலகமும் மிகுந்த ஆவலுடன் காத்துள்ளது.
அக்டோபர் 16ஆம் தேதி இந்த தொடரின் முதல் போட்டி நடைபெற உள்ளது. டி.20 உலகக்கோப்பை கிரிக்கெட் தொடருக்காக கடந்த சில தினங்களுக்கே முன்பு ஆஸ்திரேலியா சென்றுவிட்ட ரோஹித் சர்மா தலைமையிலான இந்திய அணி வீரர்கள், உலகக்கோப்பை தொடருக்காக தீவிரமாக தயாராகி வருகின்றனர். இந்திய அணி 23ஆம் தேதி நடைபெறும் தனது முதல் போட்டியிலேயே பாகிஸ்தான் அணியை எதிர்கொள்ள உள்ளது.
அடுத்த சில தினங்களில் டி20 உலகக்கோப்பை தொடர் தொடங்க இருந்தாலும், காயத்தால் விலகிய பும்ராவிற்கு பதிலான மாற்று வீரரை தேர்வு செய்யாமல் பிசிசிஐ தற்போது வரை இழுத்தடித்து வருகிறது. பும்ரா இல்லாதது இந்திய அணிக்கு பெரும் பின்னடைவாக பார்க்கப்படும் நிலையில், தற்போது மற்றொரு நட்சத்திர வீரரான தீபக் சாஹரும் காயத்தால் டி20 உலகக்கோப்பை தொடரில் இருந்து விலக உள்ளதாக தகவல்கள் வெளியாகியுள்ளன.
