எஸ்ஏ20 2025: தேவையில்லாமல் ரன் அவுட்டான தினேஷ் கார்த்திக்; வைரலாகும் காணொளி!

எம்ஐ கேப்டவுன் அணிக்கு எதிரான லீக் போட்டியில் பார்ல் ராயல்ஸ் அணி வீரர் தினேஷ் கார்த்திக் தேவையில்லாத ரன் அவுட் மூலம் விக்கெட்டை இழந்த காணொளி வைர்லாகி வருகிறது.

எஸ்ஏ20 2025: தேவையில்லாமல் ரன் அவுட்டான தினேஷ் கார்த்திக்; வைரலாகும் காணொளி! (Image Source: Google)

தென் ஆப்பிரிக்காவில் நடைபெற்று வரும் மூன்றாவது சீசன் எஸ்ஏ20 லீக் தொடரில் நேற்று நடைபெற்ற 6ஆவது லீக் ஆட்டத்தில் மும்பை இந்தியன்ஸ் கேப்டவுன் மற்றும் பார்ல் ராயல்ஸ் அணிகள் பலப்பரீட்சை நடத்தவுள்ளன. கேப்டவுனில் உள்ள நியூலேண்ட்ஸ் கிரிக்கெட் மைதானத்தில் நடைபெற்ற இப்போட்டியில் டாஸ் வென்று முதலில் பேட்டிங் செய்த கேப்டவுன் அணியில் ரிஸா ஹென்றிஸ், ரஸ்ஸி வேண்டர் டுசென் இணை சிறப்பான ஆட்டத்தை வெளிப்படுத்தி ஸ்கோரை உயர்த்தினர். 

இதில் ரஸ்ஸி வேண்டர் டுசென் 43 ரன்களில் விக்கெட்டை இழக்க, மறுபக்கம் அரைசதம் கடந்து அசத்திய ரீஸா ஹென்றிஸுகும் 59 ரன்களில் ஆட்டமிழந்தார். இறுதியில் டெவால்ட் பிரீவிஸ் 14 ரன்களிலும், டெலானோ போட்ஜீட்டர் 2 பவுண்டரி, 2 சிக்ஸர்கள் என 29 ரன்களைச் சேர்த்து அணிக்கு ஃபினிஷிங்கை கொடுத்தனர். இதன்மூலம் மும்பை இந்தியன்ஸ் கேப்டவுன் அணி 20 ஓவர்கள் முடிவில் 7 விக்கெட்டுகளை இழந்து 172 ரன்களைச் சேர்த்தது.

அதன்பின் இலக்கை நோக்கி விளையாடிய பார்ல் ராயல்ஸ் அணிக்கு லுவான்-ட்ரே பிரிட்டோரியஸ் - ஜோ ரூட் இணை அதிரடியான தொடக்கத்தை வழங்கி அணிக்கு தேவையான அடித்தளத்தை அமைத்துக் கொடுத்தனர். இதில் அபாரமாக விளையாடி வந்த ஷாய் ஹோப் 3 பவுண்டரி, ஒரு சிக்ஸர் என 26 ரன்களில் விக்கெட்டை இழக்க, அவரைத் தொடர்ந்து 4 பவுண்டரி, ஒரு சிக்ஸர் என 26 ரன்களில் பிரிட்டோரியஸும் தனது விக்கெட்டை இழந்தார்.

அதன்பின் களமிறங்கிய வீரர்களில் முஜீப் உர் ரஹ்மான் ஒரு பவுண்டரி, 3 சிக்ஸர்கள் என 34 ரன்களையும், குவேனா மபாகா ரு பவுண்டரி, 2 சிக்ஸர்கள் என 22 ரன்களைச் சேர்த்ததை தவிர்த்து மற்ற வீரர்கள் சோபிக்க தவறினர். இதனால் பார்ல் ராயல்ஸ் அணியானது 20 ஓவர்கள் முடிவில் 9 விக்கெட்டுகளை இழந்து 139 ரன்களை மட்டுமே சேர்த்தது. இதன்மூலம் எம்ஐ கேப்டவுன் அணி 33 ரன்கள் வித்தியாசத்தில் பார்ல் ராயல்ஸ் அணியை வீழ்த்தி வெற்றிபெற்று அசத்தியது.

இந்நிலையில் இப்போட்டியின் மூலம் இந்திய அணியின் முன்னாள் வீரர் தினேஷ் கார்த்திக் இத்தொடரில் முதல் முறையாக பேட்டிங் செய்ய களமிறங்கினர். அப்போது அந்த அணி அடுத்தடுத்து விக்கெட்டுகளை இழந்து தடுமாறிய நிலையில், அணியின் ஃபினிஷராக தேர்வுசெய்யப்பட்ட தினேஷ் கார்த்திக் மீது பெரும் எதிர்பார்ப்புகள் எழுந்திருந்தது. ஆனால் அவர் மீது வைத்திருந்த நம்பிக்கையை ரன் அவுட் மூலம் வீணாக்கி ரசிகர்களுக்கு ஏமாற்றத்தை அளித்துள்ளார்.  

அதன்பின் இன்னிங்ஸின் 13ஆவது ஓவரை ஜார்ஜ் லிண்டே வீசிய நிலையில், அந்த ஓவரின் இரண்டாவது பந்தை தினேஷ் கார்த்திக் ஆஃப் சைடில்  அடித்துவிட்டு சிங்கிள் எடுப்பதற்காக ஓடினார். ஆனால் மறுபக்கம் நான் ஸ்டிரைக்கர் திசையில் இருந்த பிஜோர்ன் ஃபோர்டுயின் முதலில் ரன்னிற்கு ஓடுவது போல் கிரீஸை விட்டு வெளியேறி அதன்பின், மீண்டும் தினேஷ் கார்த்திக்குன் சிங்கிளிற்கு வரமறுத்து நான் ஸ்டிரைக்கருக்கு க்ரீஸிக்கு திரும்பினார். 

 

@ilt20onzee pic.twitter.com/PSr42L0tB1

— (@21OneTwo34) January 13, 2025

ஆனால் அச்சமயத்தில் தினேஷ் கார்த்திக் பாதி பிட்சை கடந்திருந்த காரணத்தால் அவரால் மீண்டும் க்ரீஸுக்குள் நுழையமுடியவில்லை. அதேசமயம் பந்தை பிடித்த காலின் இங்கிரம் விக்கெட் கீப்பர் ரியான் ரிக்கெல்டனிடம் பந்தை அடித்து தினேஷ் கார்த்திக்கை ரன் அவுட் செய்து அசத்தினார். இதனால் இப்போட்டியில் 2 ரன்களை மட்டுமே எடுத்த நிலையில் தினேஷ் கார்த்திக் தனது விக்கெட்டை இழந்தார். இந்நிலையில் தினேஷ் கார்த்திக் ஆட்டமிழந்த காணொளி வைரலாகி வருகிறது.

Win Big, Make Your Cricket Tales Now