ENG vs IND: மூன்றாவது டெஸ்டில் மஹ்மூத், மாலனுக்கு வாய்ப்பு?

தோள்பட்டை காயம் காரணமாக மூன்றாவது டெஸ்டிலிருந்து விலகிய மார்க் வுட்டிற்கு பதிலாக, அறிமுக வேகப்பந்து வீச்சாளர் சாகிப் மஹ்மூத் களமிறங்குவார் என எதிர்பார்க்கப்படுகிறது.

ENG vs IND, 3rd Test: Pacer Mahmood Set To Replace Wood, Malan Also Likely In XI (Image Source: Google)

இந்தியா - இங்கிலாந்து அணிகளுக்கு இடையேயான மூன்றாவது டெஸ்ட் போட்டி லீட்ஸில் உள்ள ஹெடிங்லே மைதானத்தில் நாளை மறுநாள் நடைபெறுகிறது.

ஐந்து போட்டிகள் கொண்ட இத்தொடரில் இந்திய அணி 1-0 என்ற கணக்கில் முன்னிலைப் பெற்றுள்ளதால், இங்கிலாந்து அணி நிச்சயம் இப்போட்டியில் வெற்றிபெற்றாக வேண்டிய கட்டாயத்திற்கு தள்ளப்பட்டுள்ளது. 

அதன்படி அணியில் தொடர்ந்து சொதப்பி வந்த ஜாக் கிரௌலி, ரோரி பர்ன்ஸ் ஆகியோரை நீக்கிவிட்டு, அதிரடி வீரர் டேவிட் மாலனை அணியில் சேர்த்துள்ளது. 

ஆனால் அந்த அணிக்கு தற்போது மேலும் ஒரு புது பிரச்சனையாக வேகப்பந்து வீச்சாளர் மார்க் வுட், தோள்பட்டை காயம் காரணமாக மூன்றாவது டெஸ்ட் போட்டியிலிருந்து விலகியுள்ளார். இதனால் அவருக்கு மாற்றாக எந்த வீரரை இங்கிலாந்து அணி சேர்க்கும் என்ற எதிர்பார்ப்பு அதிகரித்துள்ளது.

இக்கேள்விக்கு பதிலளிக்கும் வகையில் பேசிய இங்கிலாந்து கேப்டன் ஜோ ரூட், “டெஸ்ட் கிரிக்கெட் போட்டிகளில் விளையாட ஷாகிப் மஹ்மூதிற்கு இதைவிட சிறந்த வாய்ப்பு கிடைக்காது என நினைக்கிறேன். ஏனெனில் கடந்த இரண்டு ஆண்டுகளாக அவர் இங்கிலாந்தின் ஒருநாள் மற்றும் டி20 அணிக்கு சிறப்பான பங்களிப்புகளை வழங்கியுள்ளார். 

மேலும் பல இக்கட்டான சூழலில் அபாரமாக பந்துவீசி அணியை வெற்றிபெற செய்துள்ளார். இதனால் அவர் இப்போட்டியில் விளையாடுவது இங்கிலாந்து அணிக்கு கூடுதல் பலமாக இருக்கும் என நினைக்கிறேன்” என்று தெரிவித்துள்ளார்.

Win Big, Make Your Cricket Tales Now