ENG vs WI, 3rd Test: இங்கிலாந்தை சரிவிலிருந்து மீட்ட ரூட், ஸ்டோக்ஸ், ஸ்மித், வோக்ஸ்; விண்டீஸ் தடுமாற்றம்!

இங்கிலாந்து அணிக்கு எதிரான மூன்றாவது டெஸ்ட் போட்டியின் இரண்டாம் நாள் ஆட்டநேர முடிவில் வெஸ்ட் இண்டீஸ் அணி 2 விக்கெட் இழப்பிற்கு 33 ரன்களை மட்டுமே எடுத்து தடுமாறி வருகிறது.

ENG vs WI, 3rd Test: இங்கிலாந்தை சரிவிலிருந்து மீட்ட ரூட், ஸ்டோக்ஸ், ஸ்மித், வோக்ஸ்; விண்டீஸ் தடுமாற (Image Source: Google)

வெஸ்ட் இண்டீஸ் அணியானது தற்போது இங்கிலாந்தில் சுற்றுப்பயணம் மேற்கொண்டு 3 போட்டிகள் கொண்ட டெஸ்ட் தொடரில் விளையாடவுள்ளது. இதில் நடைபெற்று முடிந்த முதலிரண்டு டெஸ்ட் போட்டிகளின் முடிவில் இங்கிலாந்து அணி வெற்றிபெற்றதுடன் 2-0 என்ற கணக்கில் டெஸ்ட் தொடரையும் கைப்பற்றி அசத்தியுள்ளது. இந்நிலையில் இரு அணிகளுக்கும் இடையேயான மூன்றாவது டெஸ்ட் போட்டியானது இன்று (ஜூலை 26) பர்மிங்ஹாமில் உள்ள எட்ஜ்பாஸ்டன் கிரிக்கெட் மைதானத்தில் தொடங்கிய. இப்போட்டியில் டாஸ் வென்ற வெஸ்ட் இண்டீஸ் அணியானது முதலில் பேட்டிங் செய்வதாக அறிவித்தது. 

அதன்படி களமிறங்கிய வெஸ்ட் இண்டீஸ் அணியானது முதல் இன்னிங்ஸில் 282 ரன்கள் எடுத்த நிலையில் அனைத்து விக்கெட்டுகளையும் இழந்தது. அந்த அணியில் அதிகபட்சமாக கிரேக் பிராத்வைட் 61 ரன்களையும், ஜேசன் ஹோல்டர் 59 ரன்களையும் எடுத்தனர். இங்கிலாந்து அணி தரப்பில் கஸ் அட்கின்சன் 4 விக்கெட்டுகளை கைப்பற்றினார். அதன்பின் முதல் இன்னிங்ஸைத் தொடங்கிய இங்கிலாந்து அணி முதல்நாள் ஆட்டநேர முடிவில் 3 விக்கெட்டுகளை இழந்து 38 ரன்களை மட்டுமே எடுத்து. இதையடுத்து இன்று தொடங்கிய இரண்டாம் நாள் ஆட்டத்தை ஒல்லி போப் 6 ரன்களுடனும், ஜோ ரூட் 2 ரன்களுடனும் தொடர்ந்தனர். 

இதில் ஒல்லி போப் 10 ரன்களிலும் அடுத்து களமிறங்கிய ஹாரி ப்ரூக் 2 ரன்களிலும் என விக்கெட்டுகளை இழந்து ஏமாற்றமளித்தனர். பின்னர் ஜோ ரூட்டுடன் இணைந்த கேப்டன் பென் ஸ்டோக்ஸும் சிறப்பான ஆட்டத்தை வெளிப்படுத்த அணியின் ஸ்கோரும் மளமளவென உயர்ந்தது. தொடர்ந்து அபாரமாக விளையாடிய இருவரும் அரைசதம் கடந்ததுடன் 100 ரன்களுக்கு மேல் பார்ட்னர்ஷிப் அமைத்தும் அசத்தினர். பின் 54 ரன்கள் எடுத்திருந்த நிலையில் பென் ஸ்டோக்ஸ் விக்கெட்டை இழக்க, அவரைத்தொடர்ந்து 87 ரன்களில் ஜோ ரூட்டும் விக்கெட்டை இழந்து சதமடிக்கும் வாய்ப்பை தவறவிட்டார்.

பின்னர் களமிறங்கிய ஜேமி ஸ்மித் - கிறிஸ் வோக்ஸ் ஆகியோரும் அதிரடியான ஆட்டத்தை வெளிப்படுத்தி தங்கள் அரைசதங்களை பூர்த்தி செய்தனர். இதில் 12 பவுண்டரி, ஒரு சிஸ்கர் என 95 ரன்கள் எடுத்திருந்த நிலையில் ஜேமி ஸ்மித் ஆட்டமிழந்து சதத்தை தவறவிட்டார். அவரைத்தொடர்ந்து 62 ரன்களில் கிறிஸ் வோக்ஸும் ஆட்டமிழந்தார். இதன் காரணமாக இங்கிலாந்து அணி 376 ரன்கள் எடுத்திருந்த நிலையில் அனைத்து விக்கெட்டுகளையும் இழந்து ஆல் அவுட்டானது. வெஸ்ட் இண்டீஸ் அணி தரப்பில் அல்ஸாரி ஜோசப் 4 விக்கெட்டுகளையும், ஜெய்டன் சீல்ஸ் 3 விக்கெட்டுகளையும் கைப்பற்றினர். 

அதன்பின் 94 ரன்கள் பின் தங்கிய நிலையில் இரண்டாம் இன்னிங்ஸைத் தொடர்ந்த வெஸ்ட் இண்டீஸ் அணியில் கேப்டன் பிராத்வைத் ரன்கள் ஏதுமின்றி ஆட்டமிழக்க, அடுத்து களமிறங்கிய கிர்க் மெக்கன்ஸியும் 8 ரன்களுக்கு ஆட்டமிழந்தார். இதனால் இரண்டாம் நாள் ஆட்டநேர முடிவில் வெஸ்ட் இண்டீஸ் அணி 33 ரன்களுக்கு 2 விக்கெட்டுகளை இழந்துள்ளது. இதில் மைக்கேல் லூயிஸ் 18 ரன்களுடனும், அலிக் அதானாஸ் 5 ரன்களுடனும் களத்தில் உள்ளனர். இதனையடுத்து 61 ரன்கள் பின் தங்கிய நிலையில் வெஸ்ட் இண்டீஸ் அணி நாளை மூன்றாம் நாள் ஆட்டத்தை தொடரவுள்ளனர்.

Win Big, Make Your Cricket Tales Now