IND vs ENG : இரு டெஸ்ட் போட்டிகளுக்கான இங்கிலாந்து அணி அறிவிப்பு!

இந்திய அணிக்கெதிரான முதல் இரண்டு டெஸ்ட் போட்டிகளுக்கான 17 பேர் அடங்கிய இங்கிலாந்து அணி இன்று அறிவிக்கப்பட்டுள்ளது.

விராட் கோலி தலைமையிலான இந்திய டெஸ்ட் கிரிக்கெட் அணி தற்போது இங்கிலாந்தில் முகாமிட்டுள்ளது. அங்கு ஐந்து போட்டிகள் கொண்ட டெஸ்ட் தொடரில் இங்கிலாந்து அணியுடன் விளையாட உள்ளது. 

இரு அணிகளுக்கும் இடையேயான முதல் டெஸ்ட் போட்டி வரும் ஆகஸ்ட் 4ஆம் தேதி ட்ரெண்ட்பிரிட்ஜ் மைதானத்தில் நடைபெறவுள்ளது. இதற்காக இந்திய அணி கவுண்டி லெவன் அணியுடன் 3 நாள் பயிற்சி ஆட்டத்தில் விளையாடி வருகிறது. 

இந்நிலையில் இத்தொடரின் முதல் இரண்டு போட்டிகளுக்கான ஜோ ரூட் தலைமையிலான 17 பேர் கொண்ட இங்கிலாந்து அணியை அந்நாட்டு கிரிக்கெட் வாரியம் இன்று அறிவித்துள்ளது. 

இதில் நியூசிலாந்து தொடரில் விளையாடமல் இருந்த ஜோஸ் பட்லர், பென் ஸ்டோக்ஸ் ஆகியோர் மீண்டும் அணியில் சேர்க்கப்பட்டுள்ளனர். அதேசமயம் ஆபாச கருத்து கூறி சர்ச்சையில் சிக்கிய ஒல்லி ராபின்சன் இங்கிலாந்து அணியில் மீண்டும் சேர்க்கப்பட்டுள்ளார்.

இங்கிலாந்து டெஸ்ட் அணி: ஜோ ரூட், ஜேம்ஸ் ஆண்டர்சன், ஜானி பேர்ஸ்டோவ், டாம் பெஸ், ஸ்டூவர்ட் பிராட், ரோரி பர்ன்ஸ், ஜோஸ் பட்லர், ஸாக் கிரவுலி, சாம் கரன், ஹசீப் ஹமீத், டான் லாரன்ஸ், ஜேக் லீச், ஒல்லி போப், ஒல்லி ராபின்சன், டாம் சிப்லி, பென் ஸ்டோக்ஸ், மார்க் வுட்.

Win Big, Make Your Cricket Tales Now