இங்கிலாந்து - இந்தியா தொடரில் ஜாம்பவான்களுக்கு கிடைத்த கவுரவம்!
இங்கிலாந்து - இந்தியா அணிகளுக்கு இடையேயான டெஸ்ட் தொடரின் பெயரை டெண்டுல்கர்-ஆண்டர்சன் கோப்பை என்று மாற்றி பிசிசிஐ மற்றும் இசிபி கவுரவித்துள்ளது.
மேலும் இத்தொடருக்கான இந்திய அணியும் இங்கிலாந்து சென்றுள்ளது. இந்நிலையில் இந்தியா - இங்கிலாந்து அணிகளுக்கு இடையேயான இந்த டெஸ்ட் தொடரானது பட்டோடி கோப்பை என்றழைக்கப்பட்டு வந்த நிலையில், இப்போது ஆண்டர்சன்-டெண்டுல்கர் கோப்பை என பெயர் மாற்றம் செய்யப்பட்டுள்ளது. இந்தியா மற்றும் இங்கிலாந்து அணிகளின் ஜாம்பவான் வீரர்களாக கருதப்படும் இருவரையும் கௌரவிக்கும் வகையில் இந்த மாற்றம் செய்யப்பட்டுள்ளது.
வரவிருக்கும் உலக டெஸ்ட் சாம்பியன்ஷிப் இறுதிப் போட்டிக்கு முன்னதாக, இங்கிலாந்து மற்றும் வேல்ஸ் கிரிக்கெட் வாரியம் மற்றும் இந்திய கிரிக்கெட் கட்டுப்பாட்டு வாரியம் ஆகியவற்றால் இந்தப் புதிய மாற்றம் முடிவு செய்யப்பட்டுள்ளது. இதுகுறித்து வெளியான செய்தியின் படி, ஜூன் 11 ஆம் தேதி நடைபெறும் உலக டெஸ்ட் சாம்பியன்ஷிப் இறுதிப் போட்டியின் போது, டெண்டுல்கர் மற்றும் ஆண்டர்சன் ஆகியோரின் முன்னிலையில் இந்த கோப்பை அதிகாரப்பூர்வமாக அறிவிக்கப்படும் என்று தெரிவிக்கப்பட்டுள்ளது.
இந்திய அணியின் முன்னாள் கிரிக்கெட் ஜாம்பவான் சச்சின் டெண்டுல்கர் சர்வதேச டெஸ்ட் கிரிக்கெட்டில் 200 டெஸ்ட் போட்டிகளில் விளையாடி 51 அரைசதங்களுடன் 15921 ரன்களைக் குவித்து டெஸ்ட் கிரிக்கெட் வரலாற்றில் அதிக ரன்களை குவித்த வீரராகவும், அதேசமயம் இங்கிலாந்தின் ஜேம்ஸ் ஆண்டர்சன் 188 டெஸ்ட் போட்டிகளில் விளையாடி 704 விக்கெட்டுகளை வீழ்த்தி அதிக டெஸ்ட் விக்கெட்டுகளை வீழ்த்தியவர்கள் பட்டியலில் 3ஆம் இடத்தில் உள்ளார் என்பது குறிப்பிடத்தக்கது.
Previously, the series was known as 'the Pataudi Trophy'#SachinTendulkar #JamesAnderson #IndianCricket #England #ENGvIND pic.twitter.com/EVSjT0ChfZ
— CRICKETNMORE (@cricketnmore) June 5, 2025இங்கிலந்து அணி (முதல் டெஸ்ட்): பென் ஸ்டோக்ஸ் (கேப்டன்), ஷோயப் பஷீர், ஜேக்கப் பெத்தேல், ஹாரி புரூக், பிரைடன் கார்ஸ், சாம் குக், ஸாக் கிரௌலி, பென் டக்கெட், ஜேமி ஓவர்டன், ஓல்லி போப், ஜோ ரூட், ஜேமி ஸ்மித், ஜோஷ் டோங், கிறிஸ் வோக்ஸ்
Also Read: LIVE Cricket Score
இந்திய டெஸ்ட் அணி: ஷுப்மன் கில் (கேப்டன்), ரிஷப் பந்த் (துணைக்கேப்டன்), யஷஸ்வி ஜெய்ஸ்வால், கேஎல் ராகுல், சாய் சுதர்ஷன், அபிமன்யு ஈஸ்வரன், கருண் நாயர், நிதிஷ் குமார் ரெட்டி, ரவீந்திர ஜடேஜா, துருவ் ஜூரல், வாஷிங்டன் சுந்தர், ஷர்துல் தாக்கூர், ஜஸ்பிரித் பும்ரா, முகமது சிராஜ், பிரசித் கிருஷ்ணா, ஆகாஷ் தீப், அர்ஷ்தீப் சிங், குல்தீப் யாதவ்.
Win Big, Make Your Cricket Tales Now
