இறுதிப் போட்டியிலும் இதேபோல் சிறப்பாக செயல்படுவோம் - பாபர் ஆசாம்!

சொந்த ஊரில் விளையாடும் உணர்வை பார்வையாளர்கள் ஏற்படுத்திக் கொடுத்தார்கள் என்று பாகிஸ்தான் அணியின் கேப்டன் பாபர் ஆசாம் தெரிவித்துள்ளார்.

'Enjoying The Moment, Have To Focus On The Final At The Same', Says Pakistan Skipper Babar Azam (Image Source: Google)

டி20 உலகக் கோப்பை 2022 தொடரின் அரையிறுதி சுற்று விறுவிறுப்பாக நடைபெற்று வருகிறது. இத்தொடரின் முதல் அரையிறுதியில் பாகிஸ்தான், நியூசிலாந்து அணிகள் மோதின. இப்போட்டியில் டாஸ் வென்ற நியூசிலாந்து அணி முதலில் பேட்டிங்கை தேர்வு செய்தது.

அதன்படி முதலில் களமிறங்கிய நியூசிலாந்து அணியில் கேப்டன் கேன் வில்லியம்சன் 46, டேரில் மிட்செல் 53 ஆகியோர் மட்டுமே பெரிய ஸ்கோர் அடித்தனர். டெவான் கான்வே 21, ஜேம்ஸ் நீஷம் 16 ஆகியோர் ஓரளவுக்கு மட்டும்தான் ரன்களை சேர்த்தார்கள். இதனால், நியூசிலாந்து அணி 20 ஓவர்களில் 152/4 ரன்களைதான் எடுக்க முடிந்தது.

இதையடுத்து இலக்கை துரத்திக் களமிறங்கிய பாகிஸ்தான் அணியில் முகமது ரிஸ்வான் 57, பாபர் ஆசாம் 53, முகமது ஹேரிஸ் 30 ஆகியோர் அபாரமாக விளையாடி ரன்களை குவித்தார்கள். இதனால், பாகிஸ்தான் அணி 19.1 ஓவர்கள் முடிவில் 153/3 ரன்களை சேர்த்து, 7 விக்கெட்கள் வித்தியாசத்தில் அபார வெற்றியைப் பெற்றது.

நாளைய அரையிறுதி ஆட்டத்தில் இந்தியா, இங்கிலாந்து அணிகள் மோத உள்ளன. இதில் வெற்றிபெறும் அணி, வரும் ஞாயிறு அன்று நடைபெறும் இறுதிப் போட்டியில் பாகிஸ்தானை எதிர்கொள்ளும்.

இந்நிலையில் போட்டி முடிவுக்கு பின் பேசிய பாபர் ஆசாம்,‘‘சொந்த ஊரில் விளையாடும் உணர்வை பார்வையாளர்கள் ஏற்படுத்திக் கொடுத்தார்கள். அனைவருக்கும் நன்றி. பவர் பிளேவில் சிறப்பாக பந்துவீசி நெருக்கடியை ஏற்படுத்தினோம். வேகப்பந்து வீச்சாளர்களுக்கு பாராட்டுகளை தெரிவித்துக்கொள்கிறேன்.

பேட்டிங், பந்துவீச்சு இரண்டிலும் பவர் பிளேவின்போது சிறப்பாக செயல்பட்டால் வெற்றியைப் பெற்று விடலாம் என முன்கூட்டியே திட்டமிட்டுத்தான் களமிறங்கினோம். அதேபோல் செயல்பட்டோம். இறுதிப் போட்டியிலும் இதேபோல் சிறப்பாக செயல்படுவோம் என்ற நம்பிக்கை இருக்கிறது” என தெரிவித்துள்ளார்.

Win Big, Make Your Cricket Tales Now