இந்திய அணியின் முன்னாள் கேப்டன் மகேந்திரசிங் தோனி, உலக அளவில் தலைசிறந்த கேப்டனாகவும், பெஸ்ட் பினிஷராகவும், மின்னல் வேக விக்கெட் கீப்பராகவும் திகழ்ந்து வந்தார். இவர் ஸ்டெம்பிற்கு பின்னால் நின்றால், எப்பேர்ப்பட்ட பேட்டரும் நடுங்கிக்கொண்டுதான் இருப்பார்கள். கிறிஸைவிட்டு ஒரு அடி நகர்ந்தாலும் மின்னல் வேகத்தில் ஸ்டெம்பிங் செய்து, பேட்டரை வெளியேற்றிவிடுவார். அந்த அளவுக்கு துல்லியமாக விக்கெட் கீப்பிங் செய்ய கூடியவர்.
டெஸ்ட் கிரிக்கெட்டில் 256 கேட்ச்களும், 38 ஸ்டெம்பிங்களும், ஒருநாள் கிரிக்கெட்டில் 123 ஸ்டெம்பிங்களும், 321 கேட்ச்களையும் பிடித்து அசத்தியுள்ளார். டி20 கிரிக்கெட்டில் 57 கேட்ச்கள், 34 ஸ்டெம்பிங்களை இந்திய அணிக்காக செய்திருக்கிறார்.
இப்படி விக்கெட் கீப்பிங்கில் சிறந்த ரெக்கார்ட் வைத்திருக்கும் மகேந்திரசிங் தோனியின் கீப்பிங் குறித்து யாரும் இதுவரை பெரிய அளவில் குறைசொன்னது கிடையாது. இந்நிலையில் பாகிஸ்தான் அணியின் முன்னாள் விக்கெட் கீப்பர் பேட்ஸ்மேன் ரஷித் லத்திஃப், தோனியின் விக்கெட் கீப்பிங்கில் பெரும் குறை இருந்ததாக தெரிவித்துள்ளார்.
