எதிர்பாராத ஒரு நிகழ்வில் ஒரு பகுதியாக இருப்பது மகிழ்ச்சி - ருதுராஜ் கெய்க்வாட்!

ஆசிய விளையாட்டு போட்டிகளில் தங்கம் வென்று குறித்து பேசிய இந்திய அணியின் கேப்டன் ருதுராஜ் கெய்க்வாட் இந்நிகழ்வு மகிழ்ச்சியளிப்பதாக தெரிவித்துள்ளார்.

எதிர்பாராத ஒரு நிகழ்வில் ஒரு பகுதியாக இருப்பது மகிழ்ச்சி - ருதுராஜ் கெய்க்வாட்! (Image Source: Google)

சீனாவில் நடைபெற்று வரும் ஆசிய விளையாட்டுப் போட்டியில் டி20 கிரிக்கெட் தொடரில் ருதுராஜ் தலைமையிலான இந்திய ஆண்கள் கிரிக்கெட் அணி தங்கப் பதக்கத்தை கைப்பற்றி அசத்தியிருக்கிறது. இந்த டி20 தொடரில் இந்தியா, பாகிஸ்தான், வங்கதேசம், இலங்கை ஆகிய நான்கு அணிகளும் காலிறுதி சுற்றுக்கு நேரடியாகத் தகுதி பெற்றன. மற்ற அணிகள் லீக் சுற்றில் விளையாடின.

இந்திய அணி காலிறுதியில் நேபாள், அரையிறுதியில் வங்கதேசம் ஆகிய அணிகளை வீழ்த்தி இறுதிப் போட்டிக்கு தகுதி பெற்றது. ஆஃப்கானிஸ்தான் அணியும் இறுதிப் போட்டிக்கு தகுதி பெற்றது.இன்று இரண்டு அணிகளும் மோதிக்கொண்ட போட்டியில் இந்திய அணி முதலில் டாசில் வெற்றி பெற்று பந்து வீசியது. ஆஃப்கானிஸ்தான் 18.2 ஓவர்களில் ஐந்து விக்கெட் இழப்புக்கு 112 ரன்கள் எடுத்திருந்த பொழுது குறிப்பிட்ட மழை அதற்குப் பிறகு நிற்கவேயில்லை.

இதன் காரணமாக போட்டி அத்துடன் முடித்துக் கொள்ளப்பட்டு இந்திய அணிக்கு தங்கப்பதக்கம் அறிவிக்கப்பட்டது. காரணம் இந்திய அணி நாக் அவுட் சுற்றில் புள்ளி பட்டியலில் மிகவும் வலிமையான இடத்தில் இருந்தது. ஆஃப்கான் அணிக்கு வெள்ளிப்பதக்கம் வழங்கப்பட்டுள்ளது. 

இந்த நிலையில் தங்கப் பதக்கத்தை வென்றது குறித்து பேசிய கேப்டன் ருதுராஜ் கெய்க்வாட், “எதிர்பாராத ஒரு நிகழ்வில் ஒரு பகுதியாக இருப்பது மகிழ்ச்சி அளிக்கிறது. என் மீது நம்பிக்கை வைத்த இந்திய தேர்வாளர்கள் மற்றும் இந்திய கிரிக்கெட் வாரியம் இரண்டுக்கும் என்னுடைய நன்றி. 

இந்தத் தொடரில் ஈடுபட்ட 15 வீரர்கள் மற்றும் நூறுக்கும் மேற்பட்ட துணை ஊழியர்கள் அனைவருக்கும் நான் நன்றி சொல்ல விரும்புகிறேன். எல்லோரும் இல்லாமல் இது சாத்தியம் கிடையாது. தேசிய கீதம் இசைக்கப்பட்ட போது நின்றது, அப்படிப்பட்ட உணர்வுகளுக்கு இதுவரையில் பழக்கப்பட்டது கிடையாது” என்று கூறியுள்ளார். 

Win Big, Make Your Cricket Tales Now