உலக டெஸ்ட் சாம்பியன்ஷிப் இறுதிப் போட்டிக்கான ஆஸ்திரேலிய அணி அறிவிப்பு!
உலக டெஸ்ட் சாம்பியன்ஷிப் இறுதிப்போட்டியில் விளையாடும் பாட் கம்மின்ஸ் தலைமையிலான ஆஸ்திரேலிய அணியை அந்நாட்டு கிரிக்கெட் வாரியம் இன்று அறிவித்துள்ளது.
இதில் நடப்பு சாம்பியன் எனும் அந்தஸ்துடன் களமிறங்கும் ஆஸ்திரேலிய அணியானது பட்டத்தை தக்க வைக்கும் முயற்சியில் இப்போட்டியை எதிர்கொள்ளவுள்ளது. அதேசமயம் இதுநாள் வரை ஐசிசி தொடர்களில் சாம்பியன் பட்டத்தை வெல்ல முடியாமல் தடுமாறி வரும் தென் ஆப்பிரிக்க அணியானது, இம்முறை இந்த போட்டியில் வெற்றிபெறுவதுடன் வரலாற்றை மாற்றி எழுதும் முனைப்பிலும் இப்போட்டியை எதிர்கொள்ளவுள்ளது. இதனால் இப்போட்டியின் மீதான எதிர்பார்ப்புகளும் அதிகரித்துள்ளது.
இந்நிலையில் இப்போட்டிக்கான ஆஸ்திரேலியா அணியானது இன்று அறிவிக்கப்பட்டுள்ளது. பாட் கம்மின்ஸ் தலைமையிலான இந்த அணியில் காயத்தில் இருந்து மீண்டுள்ள கேமரூன் க்ரீன் மீண்டும் ஆஸ்திரேலிய டெஸ்ட் அணியில் சேர்க்கப்பட்டுள்ளார். இதுதவிர்த்து இளம் அதிரடி வீரர் சாம் கொன்ஸ்டாஸுக்கு இந்த அணியில் வாய்ப்பு கிடைத்துள்ளது. இதன்மூலம் உஸ்மான் கவாஜாவுடன் கொன்ஸ்டாஸ் தொடக்க வீரராக விளையாடுவார் என்பது உறுதியாகியுள்ளது.
இதன் காரணமாக டிராவிஸ் ஹெட் மீண்டும் மிடில் ஆர்டரில் விளையாட வாய்ப்புள்ளது. மேற்கொண்டு இந்த அணியில் வேகப்பந்து வீச்சாளர் ஜோஷ் ஹேசில்வுட்டும் இடம்பிடித்துள்ளார். முன்னதாக இலங்கை டெஸ்ட் தொடரின் போது பாட் கம்மின்ஸ் மற்றும் ஜோஷ் ஹேசில்வுட் ஆகியோர் காயம் காரணமாக தவறவிட்டிருந்த நிலையில், தற்போது மீண்டும் அணிக்கு திரும்பியுள்ளது பெரும் பலமாக பார்க்கப்படுகிறது.
Australia names 15-member squad for the WTC Final!
Can They Defend Their Title Against South Africa?#WTCFinal #Australia pic.twitter.com/awhsQva1Ky— CRICKETNMORE (@cricketnmore) May 13, 2025இதுதவிர்த்து மிட்செல் ஸ்டார்க் மற்றும் ஸ்காட் போலண்டு உள்ளிட்ட வேகப்பந்து வீச்சாளர்களும், நாதன் லையன், மேத்யூ குஹ்னமேன் உள்ளிட்ட சுழற்பந்து வீச்சாளர்களுடன் ஜோஷ் இங்கிலிஸ், பியூ வெப்ஸ்டர் ஆகியோருக்கும் இந்த அணியில் இடம் கிடைத்துள்ளது. மேற்கொண்டு இப்போட்டிக்கான கூடிதல் வீரராக அறிமுக வீரர் பிராண்டன் டக்கெட் ஆஸ்திரேலியா அணியில் சேர்க்கப்பட்டுள்ளார் என்பது குறிப்பிடத்தக்கது.
Also Read: LIVE Cricket Score
ஆஸ்திரேலிய டெஸ்ட் அணி: பேட் கம்மின்ஸ் (கேப்டன்), ஸ்காட் போலண்ட், அலெக்ஸ் கேரி, கேமரூன் கிரீன், ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், உஸ்மான் கவாஜா, சாம் கோன்ஸ்டாஸ், மேட் குஹ்னெமன், மார்னஸ் லாபுசாக்னே, நாதன் லியோன், ஸ்டீவ் ஸ்மித் (துணை கேப்டன்), மிட்செல் ஸ்டார்க், பியூ வெப்ஸ்டர்.
Win Big, Make Your Cricket Tales Now
