இந்திய டெஸ்ட் அணியின் முதுகெலும்பு புஜாரா தான் - ஹர்பஜன் சிங் காட்டம்!
இந்திய டெஸ்ட் அணியின் முதுகெலும்பு புஜாரா. அவரை எதுக்காக அணியில் எடுக்கவில்லை என இந்திய அணியின் முன்னாள் சுழற்பந்துவிச்சாளர் ஹர்பஜன் சிங் சரமாரியாக கேள்விகள் எழுப்பியுள்ளார்.
உலக டெஸ்ட் சாம்பியன்ஷிப் இருதிப்போட்டி முடிவடைந்து, இந்திய அணிக்கு சுமார் ஒரு மாதம் ஓய்வு அளிக்கப்பட்டு இருக்கிறது. பின்னர் வெஸ்ட் இண்டீஸ் சுற்றுப்பயணம் மேற்கொண்டு இரண்டு டெஸ்ட் போட்டிகள், மூன்று ஒருநாள் போட்டிகள் மற்றும் ஐந்து டி20 போட்டிகளில் இந்திய அணி விளையாட உள்ளது. இதற்காக ஒருநாள் மற்றும் டெஸ்ட் போட்டிகளுக்கான அணி அறிவிக்கப்பட்டுவிட்டது. டி20 போட்டிகளுக்கான அணி வருகிற 26ஆம் தேதி அறிவிக்கப்படும் என்கிற தகவல்களும் வந்திருக்கின்றது.
வெஸ்ட் இண்டீஸ் தொடருக்கான டெஸ்ட் அணியில் யஷஷ்வி ஜெய்ஸ்வால், ருத்துராஜ் போன்ற இளம் வீரர்களுக்கு வாய்ப்பு கொடுக்கப்பட்டிருக்கிறது. மூத்த வீரர்கள் வரிசையில் புஜாரா எடுக்கப்படவில்லை. இவருக்கு தற்காலிகமாக ஓய்வு கொடுக்கப்பட்டிருக்கிறதா? அல்லது நிரந்தரமாக வெளியில் அமர்த்தப்பட உள்ளாரா? என்கிற தகவல்கள் இதுவரை உறுதியாகவில்லை.
Trending
கடந்த உலக டெஸ்ட் சாம்பியன்ஷிப் தொடரில் 17 போட்டிகளில் விளையாடி 938 ரன்கள் அடித்த புஜாரா, 32 ரன்கள் சராசரியாக வைத்திருக்கிறார். உலக டெஸ்ட் சாம்பியன்ஷிப் பைனலில் முதல் இன்னிங்சில் 14, இரண்டாவது இன்னிங்சில் 27 ரன்கள் அடித்திருந்தார். உலக டெஸ்ட் சாம்பியன்ஷிப் பைனலுக்கு முன்பு இங்கிலாந்தில் கவுண்டி டெஸ்ட் போட்டிகளில் விளையாடி அசத்திய புஜாரா மீது எதிர்பார்ப்பு அதிகமாக இருந்தது.
ஆனால் இப்படி மோசமாக செயல்பட்டதால் பிசிசிஐ அதிருப்தி அடைந்துள்ளது. இதன் காரணமாக வெஸ்ட் இண்டீஸ் தொடருக்கு எடுக்கப்படவில்லை என்றும் ஒரு தரப்பினர் கூறி வருகின்றனர். இந்நிலையில் 100 டெஸ்ட் போட்டிகளுக்கு மேல் விளையாடிய சீனியர் வீரரை இந்திய டெஸ்ட் அணியிலிருந்து எந்தவித முன்னறிவிப்பும் இன்றி நீக்கியது நியாயமற்றது. இது நிரந்தரமான நீக்கம் என்னும் பட்சத்தில் அவமரியதைக்குரியது என காட்டமாக பேசியுள்ளார் ஹர்பஜன் சிங்.
இதுகுறித்து பேசிய அவர், “வெஸ்ட் இண்டீஸ் தொடரில் புஜாரா இல்லை என்பது எனக்கு சற்று வருத்தம் அளித்தது. இது தற்காலிக நீக்கமா? இல்லை, நிரந்தர நீக்கமா? என்பது குறித்து தெரியவில்லை. நிரந்தர நீக்கம் எனும் பட்சத்தில், அணியில் மற்ற சீனியர் வீரர்களும் சரியாக விளையாடவில்லையே அவர்களை ஏன் நீக்கவில்லை. புஜாரா இந்திய டெஸ்ட் அணியின் முதுகெலும்பாக இருந்து வந்திருக்கிறார்.
பல தொடர்களில் சிறந்த பிளேயராக இருந்திருக்கிறார். இவர் இங்கிலாந்து, தென்னாப்பிரிக்கா, ஆஸ்திரேலியா போன்ற நாடுகளில் இந்திய அணியை பல போட்டிகளில் தோல்வி தழுவும் நிலையில் இருந்து மீட்டெடுத்துள்ளார். இவரை நீக்கியது சரியாக விளையாடவில்லை என்கிற காரணத்திற்காக எனில், அணியில் மற்ற சீனியர் வீரர்களுக்கும் இதே நிலைமைதான். அவர்களும் இவரை போன்றே சராசரி வைத்திருக்கின்றனர். ஏன் அவர்களை நீக்கியவில்லை?.
அணியில் 100 டெஸ்ட் போட்டிகள் விளையாடியுள்ள ஒரு சீனியர் வீரருக்கு உரிய மரியாதை கொடுக்கப்பட்டிருக்க வேண்டும். பிசிசிஐ, குறைந்தபட்சம் புஜாராவிற்கு இதுகுறித்து தகவல் தெரிவிதிருக்க வேண்டும். சொல்லாமல் நீக்கியிருந்தால் அது அவமதிக்கும் செயலாகும்” என்று தெரிவித்துள்ளார்.
Win Big, Make Your Cricket Tales Now
