WI vs ENG: இங்கிலாந்து அணியில் ஹாரி ப்ரூக் சேர்ப்பு!

வெஸ்ட் இண்டீஸ் டி20 தொடருக்கான இங்கிலாந்து அணியில் ஹாரி ப்ரூக் அறிமுக வீரராக சேர்க்கப்பட்டுள்ளார்.

ஈயான் மோர்கன் தலைமையிலான இங்கிலாந்து அணி இம்மாத இறுதியில் வெஸ்ட் இண்டீஸில் சுற்றுப்பயணம் செய்து 5 போட்டிகள் கொண்ட டி20 தொடரில் விளையாடுகிறது. 

இதில் இரு அணிகளுக்கும் இடையேயான முதக் டி20 போட்டியானது ஜனவரி 23ஆம் தேதி தொடங்குகிறது. இதற்கான 17 பேர் அடங்கிய இங்கிலாந்து அணியும் சமீபத்தில் அறிவிக்கப்பட்டது. 

இந்நிலையில் ஆஷஸ் டெஸ்ட் தொடரில் விளையாடி வந்த ஜோஸ் பட்லர் காயம் காரணமாக தொடரிலிருந்து விலகி தாயகம் திரும்பியுள்ளார். இதனால் அவருக்கு மாற்று வீரராக சாம் பில்லிங்ஸ் இங்கிலாந்து டெஸ்ட் அணியில் சேர்க்கப்பட்டுள்ளார்.

முன்னதாக வெஸ்ட் இண்டீஸ் தொடருக்கான இங்கிலாந்து டி 20 அணியிலும் சாம் பில்லிங்ஸ் இடம்பெற்றிருந்தார். தற்போது ஆஷஸ் டெஸ்டில் பில்லிங்ஸ் விளையாடுவதால் அவருக்கு மாற்று வீரராக ஹாரி ப்ரூக் இங்கிலாந்து டி20 அணியில் சேர்க்கப்பட்டுள்ளார்.

இதுவரை 45 டி20 போட்டிகளில் விளையாடியுள்ள ஹாரி ப்ரூக் 1,086 ரன்களைக் குவித்துள்ளார். மேலும் இவர் ஆஸ்திரேலியாவில் நடைபெற்று வரும் பிக் பேஷ் லீக் தொடரில் ஹாபர்ட் ஹரிகேன்ஸ் அணிக்காக விளையாடி வருவது குறிப்பிடத்தக்கது.

Win Big, Make Your Cricket Tales Now