ஷிவம் தூபே விளையாடும் போது யுவராஜ் சிங்கை நினைவு படுத்துகிறார் - ஆகாஷ் சோப்ரா!
உலகக் கோப்பைக்கு செல்வதற்கு ஷிவம் துபே மிகவும் தீவிரமான போட்டியாளராக நான் உணர்கிறேன் என இந்திய அணியின் முன்னாள் வீரர் ஆகாஷ் சோப்ரா தெரிவித்துள்ளார்.
ஆஃப்கானிஸ்தானுக்கு எதிரான இரண்டாவது டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி பெற்றது. இப்போட்டியில் டாஸ் வென்று முதலில் பந்து வீசிய இந்திய அணி ஆஃப்கானிஸ்தான அணியை 172 ரன்களில் சுருட்டியது. இதனையடுத்து களமிறங்கிய இந்திய அணி 15.4 ஓவரில் நான்கு விக்கெட் இழப்பிற்கு 173 ரன்கள் எடுத்து எட்டியது. இப்போட்டியில் இறுதிவரை ஆட்டமிழக்காமல் இருந்த ஷிவம் தூபே 32 பந்துகளில் 63 ரன்கள் சேர்த்தார்.
இந்நிலையில் ஷிவம் தூபே குறித்து பேசிய ஆகாஷ் சோப்ரா, “ஷிவம் துபே பந்தினை அடிக்கும் அபாரமான திறமை இருக்கிறது. அவர் குழந்தை அல்ல, அவருக்கு 30 வயது. தாமதமாகத் விளையாடத் தொடங்கினார். இடையில் சில ஆண்டுகள் கிரிக்கெட் விளையாடவில்லை. குழந்தையாக இருந்தபோது, சில குடும்ப சிக்கல்கள் காரணமாக கிரிக்கெட்டை விட்டுவிட்டு திரும்பி வந்தவர்.
Trending
வெஸ்ட் இண்டீஸுக்கு எதிராக ஒரு போட்டியில் அரைசதம் அடித்தார். அதன் பிறகு அவ்வளவாக வாய்ப்புகள் கிடைக்கவில்லை. அவர் மீண்டும் திரும்பி வந்தார், ஆனால் அவர் இங்கு விளையாடிய இரண்டு போட்டிகளில் 60-க்கும் அதிகமான ஸ்கோர்களை எடுத்தார். இரண்டு போட்டிகளிலும் ஸ்ட்ரைக் ரேட் சிறப்பாக இருந்தது. மேலும் ஹாட்ரிக் சிக்ஸர்களை அடித்தார். அவர் அடிக்கும் போது, யுவராஜ் சிங்கை லேசாக நினைவுபடுத்துகிறார்.
டி20 உலகக் கோப்பை நெருங்கி வருவதால், ஹர்திக் பாண்டியாவின் உடற்தகுதி இன்னும் கேள்விக்குரியாக இருப்பதால், இந்தியாவின் விளையாடும் லெவன் அணியில் இடம்பெறக்கூடிய விருப்பங்களில் ஒருவராக துபே உருவெடுத்துள்ளார். ஆஃப்கானிஸ்தானுக்கு எதிராக நடந்து வரும் மூன்று போட்டிகள் கொண்ட தொடரில், துபே மூன்று விக்கெட்டுகளை வீழ்த்தினார்.
உலகக் கோப்பைக்கு செல்வதற்கு ஷிவம் துபே மிகவும் தீவிரமான போட்டியாளராக நான் உணர்கிறேன், ஏனென்றால் சிக்ஸர் அடிக்க உங்களுக்கு பலம் தேவை. வெஸ்ட் இண்டீஸ் ஆடுகளங்களில் உங்களால் சிக்ஸர் அடிக்க முடியாது. மைதானம் பெரியது மற்றும் ஆடுகளங்கள் பந்துவீச்சாளர்களுக்கு சாதகமாக இருக்கும்” என்று தெரிவித்துள்ளார்.
Win Big, Make Your Cricket Tales Now
