அமெரிக்காவில் நடைபெற்றுவரும் மேஜர் லீக் கிரிக்கெட் தொடர் தற்போது இறுதிக்கட்டத்தை எட்டியுள்ளது. இதில் இன்று எம்ஐ நியூயார்க் மற்றும் சியாட்டில் ஆர்காஸ் அணிகள் பலப்பரீட்சை நடத்தின. இதில் மும்பை வென்றால் முதல் இடத்திற்கு முன்னேற முடியும் அதே சமயத்தில் சென்னை சூப்பர் கிங்ஸ் மூன்றாம் இடத்திற்கு தள்ளப்படும். இப்படியான சூழலில் நடைபெற்ற போட்டியில் முதலில் பேட்டிங் செய்த மும்பை இந்தியன்ஸ் நியூயார்க் அணி 8 விக்கெட் இழப்புக்கு 194 ரன்கள் குவித்தது.
முக்கியமான போட்டியில் பெரிய இலக்கை நோக்கி களம் இறங்கிய சீட்டில் ஆர்காஸ் அணிக்கு தொடக்க வீரர் நௌமன் அன்வர் 50 ரன்கள் எடுத்து நல்ல தொடக்கம் தந்தார். ஆனால் இவரோடு சேர்ந்து விளையாடிய தென் ஆப்பிரிக்காவின் ஹென்ரிச் கிளாசனுக்கு எந்த வீரர்களிடம் இருந்தும் நல்ல ஒத்துழைப்பு கிடைக்கவில்லை.
ஆனாலும் தனிப்பட்ட முறையில் நின்று மும்பை இந்தியன்ஸ் நியூயார்க் அணியின் பந்துவீச்சை சிதறடித்து அபாரமாக ரன்கள் குவித்தார் கிளாசன். அவரது பேட்டில் படும் பந்துகள் பவுண்டரி எல்லைகளுக்கு காற்றிலும் தரையிலும் பறந்தன.
