உலகக்கோப்பையை இந்த மூன்று அணிகள் தான் வெல்லும் - ஹெர்ஷல் கிப்ஸ்!
டி20 உலக கோப்பையை எந்த அணி வெல்லும் என்று தென் ஆப்பிரிக்க முன்னாள் அதிரடி வீரர் ஹெர்ஷல் கிப்ஸ் தனது கருத்தை தெரிவித்துள்ளார்.
இந்தியா, வெஸ்ட் இண்டீஸ் மற்றும் பாகிஸ்தான் ஆகிய அணிகளில் ஒன்று, கோப்பையை வெல்லும் என்று பல முன்னாள் வீரர்கள் கருத்து தெரிவித்துவருகின்றனர்.
Trending
வெஸ்ட் இண்டீஸ் அணி டி20 கிரிக்கெட்டில் மிகச்சிறப்பாக விளையாடி வெற்றிகளை குவித்துவருகிறது. அந்த அணியில் கெய்ல், பொல்லார்டு, ட்வைன் பிராவோ, எவின் லூயிஸ் என டி20 கிரிக்கெட்டின் ஜாம்பவான்கள் பலரையும் கொண்டுள்ளது என்பதால், அந்த அணிக்கான வெற்றி வாய்ப்பு பிரகாசமாக இருக்கிறது.
இந்தியா மற்றும் பாகிஸ்தான் அணிகள் டி20 கிரிக்கெட்டில் சிறந்த அணிகள் என்பது மட்டுமல்லாது, டி20 உலக கோப்பை நடக்கவுள்ள ஐக்கிய அரபு அமீரக கண்டிஷனை நன்கு அறிந்த அணிகள். அந்த வகையில், இந்தியா மற்றும் பாகிஸ்தான் அணிகளுக்கு வெற்றி வாய்ப்பு பிரகாசமாகவே இருக்கிறது.
எனவே இந்த டி20 உலக கோப்பை தொடர் கடும் போட்டியாக அமையும். அனைத்து அணிகளும் தீவிரமாக தயாராகிவரும் அதேவேளையில், பல முன்னாள் வீரர்கள் எந்த அணி கோப்பையை வெல்லும் என்ற தங்களது கருத்துகளை தெரிவித்துவருகின்றனர்.
அந்தவகையில், இதுகுறித்து பேசியுள்ள தென் ஆப்பிரிக்க முன்னாள் வீரர் ஹெர்ஷல் கிப்ஸ், இங்கிலாந்து, பாகிஸ்தான் மற்றும் இந்தியா ஆகிய 3 அணிகளில் ஒன்றுதான் கோப்பையை வெல்லும் என தெரிவித்துள்ளார்.
ஹெர்ஷல் கிப்ஸின் இக்கருத்து தற்போது சமூக வலைதளங்களில் பேசுபொருளாக மாறியுள்ளது.
Win Big, Make Your Cricket Tales Now
