வருண் மற்றும் சுனில் இருவருமே சிறப்பாக பந்து வீசினார்கள் - ஸ்ரேயாஸ் ஐயர்!
இப்போட்டியில் நாங்கள் வெற்றி பெறுவோம் என்று போட்டிக்கு முன்னரே நம்பினேன் என்று கேகேஆர் அணி கேப்டன் ஸ்ரேயாஸ் ஐயர் தெரிவித்துள்ளார்.
ஐபிஎல் தொடரில் நேற்று நடைபெற்ற லீக் போட்டியில் கொல்கத்தா நைட் ரைடர்ஸ் - மும்பை இந்தியன்ஸ் அணிகள் பலப்பரீட்சை நடத்தின. கொல்கத்தாவிலுள்ள ஈடன் கார்டன் மைதானத்தில் தொடங்கிய இப்போட்டியானது மழை காரணமாக ஏற்பட்ட தாமதத்தினால் 16 ஓவர்கள் கொண்ட போட்டியாக நடைபெற்றது. இப்போட்டியில் டாஸ் வென்ற மும்பை இந்தியன்ஸ் அணியானதூ முதலில் பந்துவீசுவதாக அறிவித்தது.
அதன்படி களமிறங்கிய கொல்கத்தா நைட் ரைடர்ஸ் அணி 16 ஓவர்கள் முடிவில் 7 விக்கெட்டுகளை இழந்து 157 ரன்களைச் சேர்த்தது. இதில் கேகேஆர் அணி தரப்பில் அதிகபட்சமாக வெங்கடேஷ் ஐயர் 42 ரன்களையும், நிதீஷ் ரானா 33 ரன்களையும் சேர்த்தனர். மும்பை இந்தியன்ஸ் அணி தரப்பில் அதிகபட்சமாக பியூஷ் சாவ்லா மற்றும் ஜஸ்ப்ரித் பும்ரா ஆகியோர் தலா 2 விக்கெட்டுகளை கைப்பற்றினர்.
Trending
இதையடுத்து இலக்கை நொக்கி விளையாடிய மும்பை இந்தியன்ஸ் அணியின் இஷான் கிஷான் 40 ரன்களையும், திலக் வர்மா 32 ரன்களையும் சேர்த்ததை தவிர்த்து மற்ற வீரர்கள் சொற்ப ரன்களுக்கு விக்கெட்டை இழந்தனர். இதனால் மும்பை அணி 16 ஓவர்களில் 8 விக்கெட்டுகளை இழந்து 139 ரன்களை மட்டுமே எடுத்தது. இதன்மூலம் கேகேஆர் அணி 18 ரன்கள் வித்தியாசத்தில் மும்பை இந்தியன்ஸை வீழ்த்தி வெற்றிபெற்றது.
இப்போட்டியில் வெற்றிபெற்றது குறித்து பேசிய கேகேஆர் அணி கேப்டன் ஸ்ரேயாஸ் ஐயர், “இப்போட்டியில் நாங்கள் வெற்றி பெறுவோம் என்று போட்டிக்கு முன்னரே நம்பினேன். இந்த போட்டிக்கு முன்பாக எங்களது அணி வீரர்களிடம் நமது அணி முதல் அணியாக பிளேஆஃப் சுற்றுக்கு தகுதி பெற வேண்டும் என்று கூறினேன். போட்டியில் அழுத்தம் ஏற்பட்ட போதும் எங்கள் வீரர்கள் தாங்களாக முன்வந்து சிறப்பாக செயல்பட்டார்கள்.
மும்பை இந்தியன்ஸ் அணி முதல் 6 ஓவர்களில் அதிரடியாக ஆடியது. அந்த சூழ்நிலையில் இருந்து முன்னேறி வந்து வென்றது நன்றாக இருந்தது. நான் புள்ளிவிவரங்கள் அல்லது பதிவுகளைப் பற்றி யோசிக்கவில்லை, வானிலை நன்றாக இல்லை, ஆனால் நாங்கள் விளையாட்டை வென்றோம், அதுதான் முக்கியமானது. குறிப்பிட்ட நாளில் எந்த பந்துவீச்சாளர் சிறப்பாக செயல்படுகிறார் என்பது தான் முக்கியம். வருண் மற்றும் சுனில் இருவருமே சிறப்பாக பந்து வீசினார்கள்” என்று தெரிவித்துள்ளார்.
Win Big, Make Your Cricket Tales Now
