ஐசிசி உலகக்கோப்பை 2023: வங்கதேசம் vs இலங்கை - உத்தேச லெவன் & ஃபேண்டஸி லெவன் டிப்ஸ்!

ஐசிசி ஒருநாள் உலகக்கோப்பை கிரிக்கெட் தொடரில் நாளை நடைபெறும் 38ஆவது லீக் போட்டியில் இலங்கை மற்றும் வங்கதேச அணிகள் பலப்பரீட்சை நடத்துகின்றன.

ஐசிசி உலகக்கோப்பை 2023: வங்கதேசம் vs இலங்கை - உத்தேச லெவன் & ஃபேண்டஸி லெவன் டிப்ஸ்! (Image Source: CricketNmore)

ஐசிசி ஒருநாள் உலகக்கோப்பை கிரிக்கெட் தொடர் இந்தியாவில் சிறப்பாக நடைபெற்று வருகிறது. இந்த தொடரில் இதுவரை நடந்து முடிந்துள்ள லீக் ஆட்டங்களின் முடிவில் இந்தியா, தென் ஆப்பிரிக்கா, ஆஸ்திரேலியா, நியூசிலாந்து அணிகள் புள்ளிப்பட்டியலில் முதல் 4 இடங்களில் உள்ளன. இதில் இந்தியா மற்றும் தென் ஆப்பிரிக்க அணிகள் அரையிறுதிச்சுற்றுக்கு முன்னேறியுள்ளன.

அதேசமயம் மீதமுள்ள இடங்களைப் பிடிக்க நியூசிலாந்து, ஆஸ்திரேலியா, பாகிஸ்தான், ஆஃப்கானிஸ்தான் அணிகளுக்கு இடையே கடும் போட்டி நிலவிவருகிறது. இந்நிலையில் நாளை நடைபெறும் 38ஆவது லீக் ஆட்டத்தில் குசால் மெண்டிஸ் தலைமையிலான இலங்கை அணியும், ஷாகிப் அல் ஹசன் தலைமையிலான வங்கதேச அணியும் பலப்பரீட்சை நடத்துகின்றன. 

ஏற்கெனவே நடப்பு உலகக்கோப்பை தொடருக்கான அரையிறுதி வாய்ப்பை இழந்துள்ள இவ்விரு அணிகளும், 2025ஆம் ஆண்டு பாகிஸ்தானில் நடைபெறும் சாம்பியன்ஸ் கோப்பை தொடருக்கு தகுதிப்பெரும் முனைப்பில் இப்போட்டியில் விளையாடவுள்ளதால், இதில் எந்த அணி வெற்றிபெறும் என்ற எதிர்பார்ப்பு அதிகரித்துள்ளது. 

போட்டி தகவல்கள்

• மோதும் அணிகள் - இலங்கை vs வங்கதேசம்
• இடம் - அருண் ஜெட்லி மைதானம், டெல்லி
• நேரம் - மதியம் 2 மணி (GMT 0830)

பிட்ச் ரிப்போர்ட்

வரலாற்றில் சுழல் பந்து வீச்சுக்கு சாதகமாக இருந்து வந்த டெல்லி மைதானம் தற்போது பேட்டர்களுக்கு சாதகமாக மாற்றப்பட்டுள்ளது. அதனால் இந்தப் போட்டியிலும் பேட்ஸ்மேன்கள் ஆதிக்கம் செலுத்துவார்கள் என்று எதிர்பார்க்கலாம். அதேசமயம் வழக்கமாக புதிய பந்தை ஸ்விங் செய்யும் வேகப்பந்து வீச்சாளர்கள் ஆரம்பத்திலும் மிடில் ஓவர்களில் ஸ்பின்னர்களும் தாக்கத்தை ஏற்படுத்தி விக்கெட்டுகளை எடுக்கலாம். மேலும் பனியின் தாக்கும் இருக்கும் என்பதால் டாஸ் வெல்லும் கேப்டன் இங்கு முதலில் பந்து வீச தீர்மானிப்பது வெற்றிக்கு வித்திடலாம். 

நேருக்கு நேர்

• மொத்தம் - 53
• இலங்கை - 42
• வங்கதேசம் - 09
• முடிவில்லை - 02

உத்தேச லெவன்

வங்கதேசம்: தன்ஸித் ஹசன், லிட்டன் தாஸ், நஜ்முல் ஹுசைன் சாண்டோ, முஷ்பிக்கூர் ரஹீம், மஹ்முதுல்லா ரியாத், ஷகிப் அல் ஹசன் (கேப்டன்), தாஹித் ஹிரிடோய், மெஹதி ஹசன், தஸ்கின் அகமது, முஸ்தாஃபிசூர் ரஹ்மான், ஷோரிபுல் இஸ்லாம்.

இலங்கை: பதும் நிஷங்கா, திமுத் கருணாரத்னே, குசல் மெண்டிஸ் (கேப்டன்), சதீர சமரவிக்ரம, சரித் அசலங்கா, ஏஞ்சலோ மேத்யூஸ், துஷான் ஹேமந்த, துஷ்மந்த சமீரா, மகேஷ் தீக்ஷனா, கசுன் ராஜித, தில்ஷன் மதுஷங்கா.

ஃபேண்டஸி லெவன் டிப்ஸ்

• விக்கெட் கீப்பர்கள் – லிட்டன் தாஸ், குசல் மெண்டிஸ், சதீர சமரவிக்ரம
• பேட்ஸ்மேன்கள் – மஹ்முதுல்லா ரியாட், பதும் நிஷங்க
• ஆல்-ரவுண்டர்கள் - ஏஞ்சலோ மேத்யூஸ், ஷகிப் அல் ஹசன், மெஹதி ஹசன் மிராஸ் (கேப்டன்)
• பந்துவீச்சாளர்கள்- தஸ்கின் அஹ்மத், கசுன் ராஜித, தில்ஷன் மதுஷங்கா (துணைத் தலைவர்)

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now