ஐசிசி உலகக்கோப்பை 2023: நியூசிலாந்து vs பாகிஸ்தான் - போட்டி முன்னோட்டம் & ஃபேண்டஸி லெவன் டிப்ஸ்!
ஐசிசி ஒருநாள் உலகக்கோப்பை தொடரில் நாளை நடைபெறும் முக்கியமான ஆட்டத்தில் நியூசிலாந்து அணியை எதிர்த்து பாகிஸ்தான் அணி விளையாடவுள்ளது.
இந்தியாவில் நடைபெற்றுவரும் ஐசிசி ஒருநாள் உலகக்கோப்பை கிரிக்கெட் தொடர் இறுதிக்கட்டத்தை நெருங்கியுள்ளது. இத்தொடரின் அரையிறுதிப்போட்டிக்கான வாய்ப்பை இந்தியா மற்றும் தென் ஆப்பிரிக்க அணிகள் உறுதிசெய்துள்ளன. அதேசமயம் மீதமுள்ள இரு இடங்களைப் பிடிக்க நியூசிலாந்து, ஆஸ்திரேலியா, பாகிஸ்தான், ஆஃப்கானிஸ்தான் அணிகளுக்கு இடையே கடும் போட்டி நிலவி வருகிறது.
இதில் நாளை நடைபெறும் 35ஆவது லீக் போட்டியில் பாபர் ஆசாம் தலைமையிலான பாகிஸ்தான் அணியும், டாம் லேதம் தலைமையிலான நியூசிலாந்து அணியும் பலப்பரீட்சை நடத்தவுள்ளன. இப்போட்டியில் வெற்றிபெறும் அணிக்கே அரையிறுதிச்சுற்றுக்கு முன்னேறும் வாய்ப்பு கிடைக்கும் என்பதால் எந்த அணி வெற்றிபெறும் என்ற எதிர்பார்ப்பு ரசிகர்கள் மத்தியில் அதிகரித்துள்ளது.
போட்டி தகவல்கள்
- மோதும் அணிகள் - நியூசிலாந்து vs பாகிஸ்தான்
- இடம் - எம் சின்னசாமி மைதானம், பெங்களூரு
- நேரம் - காலை 10.30 மணி (GMT 0500)
போட்டி முன்னோட்டம்
டாம் லேதம் தலைமையிலான நியுசீலாந்து அணி நடப்பு உலகக்கோப்பை கிரிக்கெட் தொடரை வெற்றியுடன் தொடங்கினாலும், இந்தியா, ஆஸ்திரேலியா, தென் ஆப்பிரிக்கா என அடுத்தடுத்து படுதோல்வியைச் சந்தித்து புள்ளிப்பட்டியளின் 4ஆம் இடத்திற்கு தள்ளப்பட்டுள்ளது. மேலும் அணியின் கேப்டன் கேன் வில்லியம்சன் காயம் காரணமாக விளையாடாமல் இருப்பது அணிக்கு பெரும் சிக்கலை ஏற்படுத்தியுள்ளது.
அந்த அணியின் பேட்டிங்கில் டெவான் கான்வே, வில் யங், ரச்சின் ரவீந்திரா, டெரில் மிட்செல், கிளென் பிலீப்ஸ், ஜேம்ஸ் நீஷம் ஆகியோர் இருந்தாலும் சரியான நேரங்களில் அவர்கள் சோபிக்க தவறுவது அணிக்கு பின்னடைவாக பார்க்கப்படுகிறது. அதிலும் ஆல் ரவுண்டர்கள் கிளென் பிலீப்ஸ், மிட்செல் சாண்ட்னர் ஆகியோர் பந்துவீச்சில் சோபித்தாலும், பேட்டிங்கில் அவர்களது செயல்பாடுகள் கேள்விக்குறியாகியுள்ளன.
பந்துவீச்சைப் பொறுத்தவரையில் மேட் ஹென்றி, லோக்கி ஃபர்குசன் ஆகியோர் காயங்களைச் சந்தித்துள்ளது அணிக்கு பெரும் பின்னடைவை ஏற்படுத்தியுள்ளது. இச்சயமத்தில் மேட் ஹென்றிக்கு பதிலாக கைல் ஜேமிசனை நியூசிலாந்து தங்களது அணிக்குள் கொண்டுவந்துள்ளது. மேலும் டிரெண்ட் போல்ட், மிட்செல் சாண்ட்னர், கிளென் பிலீப்ஸ் ஆகியோர் தேவையான நேரங்களில் விக்கெட்டுகளை வீழ்த்துவது அணிக்கு நம்பிக்கையளிக்கு கூடிய விசயமாக பார்க்கப்படுகிறது.
மறுபக்கம் பாபர் ஆசாம் தலைமையிலான பாகிஸ்தான் அணியும் தொடரின் ஆரம்பத்தில் வெற்றிகளை குவித்தாலும் இந்திய அணிக்கெதிரான தோல்விக்கு பிறகு அடுத்தடுத்து படுதோல்விகளைச் சந்தித்து 6 புள்ளிகளுடன் புள்ளிப்பட்டியளின் 5ஆம் இடத்திற்கு தள்ளப்பட்டுள்ளது. அதிலும் குறிப்பாக தொடர்ச்சியாக நான்கு தோல்விகளைச் சந்தித்துள்ளது அந்த அணி மீதான விமர்சனங்களுக்கு வழிவகுத்துள்ளது.
அணியின் பேட்டிங்கில் அப்துல்லா ஷஃபிக், பாபர் ஆசாம், முகமது ரிஸ்வான் ஆகியோருடன் கடந்த போட்டியில் கம்பேக் கொடுத்த ஃபகர் ஸமானும் சிறப்பான ஆட்டத்தை வெளிப்படுத்தியுள்ளது அணிக்கு கூடுதல் நம்பிக்கை கொடுத்துள்ளது. இருப்பினும் அப்துல்லா ஷஃபிக், ஷதாப் கான், இஃப்திகார் அஹ்மத் ஆகியோர் பெரிதாக சோபிக்க தவறிவருகின்றனர்.
பந்துவீச்சில் ஹாரில் ராவுஃப் தொடர்ந்து ரன்களை வாரி வழங்குகிறார். இதானல் அவர் ஃபார்முக்கு வரவேண்டிய கட்டாயத்திற்கு தள்ளப்பட்டுள்ளார். வேகப்பந்துவீச்சாளர்கல் ஷாஹின் அஃப்ரிடி, முகமது வாசிம் ஜூனியர் ஆகியோர் கடந்த போட்டியில் அபார ஆட்டத்தை வெளிப்படுத்தி அணியின் பலத்தை கூட்டியுள்ளனர். அவர்களுடன் ஷதாப் கான், இஃப்திகாரும் ஓரளவு கைகொடுக்கும் பட்சத்தில் நிச்சயம் பாகிஸ்தான் அணி வெற்றிபெறும் என எதிர்பார்க்கப்படுகிறது.
பிட்ச் ரிப்போர்ட்
பெங்களூரு சின்னசாமி மைதானமானது பேட்டர்களுக்கு சாதகமான மைதானமாக பார்க்கப்படுகிறது. ஏனெனில் இங்கு பவுண்டரி எல்லைகள் சிறியது என்பதால் பேட்டர்கள் ரன்களை குவிக்க ஏதுவாகவும், பந்துவீச்சாளர்களுக்கு கடினமாக இருக்கும் என எதிர்பார்க்கப்படுகிறது. அதனால் அங்கு டாஸ் வெல்லும் அணி பந்துவீச்சை தேர்வு செய்வது வெற்றிக்கு உதவலாம்.
நேருக்கு நேர்
- மோதிய போட்டிகள் - 115
- நியூசிலாந்து - 51
- பாகிஸ்தான் - 60
- முடிவில்லை - 04
உத்தேச லெவன்
நியூசிலாந்து: டெவோன் கான்வே, வில் யங், ரச்சின் ரவீந்திரா, டேரில் மிட்செல், டாம் லாதம் (கே), கிளென் பிலிப்ஸ், ஜேம்ஸ் நீஷம், மிட்செல் சான்ட்னர், கைல் ஜேமிசன், டிம் சௌதீ, டிரென்ட் போல்ட்.
பாகிஸ்தான்: அப்துல்லா ஷஃபிக், ஃபகர் ஸமான், பாபர் அசாம் (கே), முகமது ரிஸ்வான், இஃப்திகார் அகமது, சவுத் ஷகீல், ஆகா சல்மான், ஷஹீன் அஃப்ரிடி, உசாமா மிர், முகமது வாசிம், ஹாரிஸ் ரவூஃப்.
ஃபேண்டஸி லெவன் டிப்ஸ்
- விக்கெட் கீப்பர் - டெவோன் கான்வே, முகமது ரிஸ்வான்
- பேட்ஸ்மேன்கள் - பாபர் அசாம், டேரில் மிட்செல் (துணை கேப்டன்), ஃபகர் ஸமான், அப்துல்லா ஷஃபிக்
- ஆல்-ரவுண்டர்கள் - மிட்செல் சான்ட்னர், கிளென் பிலிப்ஸ், ரச்சின் ரவீந்திரா (கேப்டன்)
- பந்துவீச்சாளர்கள்- டிரென்ட் போல்ட், ஷஹீன் அஃப்ரிடி.
Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.
Win Big, Make Your Cricket Tales Now
