டி20 உலகக்கோப்பை: வங்கதேசத்தை 150 ரன்களில் சுருட்டியது ஜிம்பாப்வே!
டி20 உலகக்கோப்பை: ஜிம்பாப்வேவுக்கு எதிரான சூப்பர் 12 ஆட்டத்தில் முதலில் பேட்டிங் செய்த வங்கதேச அணி 151 ரன்களை இலக்காக நிர்ணயித்துள்ளது.
இப்போட்டியில் டாஸ் வென்ற வங்கதேச அணி முதலில் பேட்டிங் செய்வதாக தீர்மானித்தது. அதன்படி அந்த அணிக்கு நஜ்முல் ஹொசைன் - சௌமியா சர்க்கார் ஆகியோர் தொடக்க வீரர்களாக களமிறங்கினர்.
Trending
ஆனால் ஆட்டத்தின் இரண்டாவது ஓவரை வீசிய பிளெசிங் முசரபாணி, ரன் ஏதுமின்றி களத்தில் இருந்த சௌமியா சர்காரின் விக்கெட்டைக் கைப்பற்றி அசத்தினார். அதன்பின் களமிறங்கிய லிட்டன் தாஸ் 14, கேப்டன் ஷாகிப் அல் ஹசன் 23 ரன்கள் என அடுத்தடுத்து விக்கெட்டுகளை இழந்தனர்.
இருப்பினும் மறுமுனையில் சிறப்பான ஆட்டத்தை வெளிப்படுத்தி வந்த நஜ்முல் ஹொசைன் அரைசதம் கடந்து அசத்தினார். அரைசதம் கடந்த பின் அதிரடி ஆட்டத்தை கையிலெடுத்து நஜ்முல் ஹொசைன் அடுத்தடுத்து பவுண்டரியும், சிக்சர்களுமாக விளாசினார்.
பின்னர் 55 பந்துகளில் 71 ரன்கள் எடுத்திருந்த நஜ்முல் ஹொசைன், சிக்கந்தர் ரஸா பந்துவீச்சில் ஆட்டமிழந்தார். இறுதியில் அஃபிஃப் ஹொசைன் தனது பங்கிற்கு சில பவுண்டரிகளை விளாசி ஸ்கோரை உயர்த்தினார்.
இதன்மூலம் 20 ஓவர்கள் முடிவில் வங்கதேச அணி 7 விக்கெட்டுகளை இழந்து 150 ரன்களை மட்டுமே எடுத்தது. ஜிம்பாப்வே அணி தரப்பில் நகர்வா, பிளெசிங் முசரபானி தலா 2 விக்கெட்டுகளைக் கைப்பற்றினர்.
Win Big, Make Your Cricket Tales Now
