உலக அளவில் மக்களை மகிழ்வித்து வரும் விளையாட்டு போட்டிகளில் கால்பந்து முடிசூடா அரசனாக முதலிடத்தில் இருந்து வருகிறது. அதற்கடுத்தபடியாக அதிக அளவில் விளையாடப்படும் விளையாட்டாக கிரிக்கெட் இருந்தாலும் அது உலகின் பெரும்பாலான மக்களுக்கு இப்போதும் தெரியாமலேயே இருந்து வருகிறது. அதனால் கிரிக்கெட்டை உலக அளவில் பிரபலப்படுத்துவதற்காக பல்வேறு முயற்சிகளை தொடர்ந்து எடுத்து வருகிறது.
குறிப்பாக கடந்த வருடம் இங்கிலாந்தில் பர்மிங்கம் நகரில் நடைபெற்ற காமன்வெல்த் போட்டிகளில் டி20 வடிவமாக சேர்க்கப்பட்ட கிரிக்கெட் சமீபத்தில் சீனாவில் நடைபெற்று முடிந்த ஆசிய போட்டிகளிலும் 2014க்குப்பின் சேர்க்கப்பட்டது. அதை விட அந்த முயற்சியின் முக்கிய கட்டமாக ஒலிம்பிக்கில் எப்படியாவது கிரிக்கெட்டை சேர்த்து விட வேண்டும் என்று கடந்த சில வருடங்களாகவே ஐசிசி போராடி வருகிறது.
அந்த வரிசையில் லாஸ் ஏஞ்சல்ஸ் நகரில் நடைபெறும் 2028 ஒலிம்பிக் போட்டியில் கிரிக்கெட்டை டி20 வடிவமாக சேர்ப்பதற்கு ஐசிசி கோரிக்கை வைத்திருந்தது. அதை ஏற்றுக் கொண்ட ஒலிம்பிக் கமிட்டி இன்று மும்பையில் நடைபெற்ற கூட்டத்தில் உறுப்பினர்களுக்கு முன்பாக அந்த கோரிக்கையை வைத்தது. அதில் கிரிக்கெட்டை சேர்ப்பதற்கு உறுப்பினர்களின் போதிய வாக்குகள் கிடைத்துள்ளதாக தற்போது ஒலிம்பிக் கமிட்டி அறிவித்துள்ளது.
IOC Session approves @LA28’s proposal for additional sports:
— The Olympic Games (@Olympics) October 16, 2023
Baseball/softball, cricket, flag football, lacrosse and squash have been officially included as additional sports on the programme for the Olympic Games Los Angeles 2028. #LA28 pic.twitter.com/y7CLk2UEYx
