Advertisement
Advertisement
Advertisement

ஐஎல்டி20: ஸத்ரான், பிராவோ அதிரடியில் எம்ஐ எமீரேட்ஸ் த்ரில் வெற்றி!

அபுதாபி நைட் ரைடர்ஸுக்கு எதிரான ஐஎல்டி20 லீக் ஆட்டத்தில் எம்ஐ எமீரேட்ஸ் அணி 5 விக்கெட் வித்தியாசத்தில் வெற்றிபெற்று அசத்தியது.

Bharathi Kannan
By Bharathi Kannan January 22, 2023 • 12:23 PM
ILT20: Bravo, Najibullah Zadran Lead MI Emirates To Thrilling Victory Over Abu Dhabi Knight Riders
ILT20: Bravo, Najibullah Zadran Lead MI Emirates To Thrilling Victory Over Abu Dhabi Knight Riders (Image Source: Google)
Advertisement

ஐஎல்டி20 கிரிக்கெட் தொடர் ஐக்கிய அரபு அமீரகத்தில் விறுவிறுப்பாக நடைபெற்று வருகிறது. இதில் நேற்று நடைபெற்ற 11ஆவது லீக் ஆட்டத்தில் அபுதாபி நைட் ரைடர்ஸ் - எம் ஐ எமீரேட்ஸ் அணிகள் பலப்பரீட்சை நடத்தின. இதில் டாஸ் வென்ற எமீரேட்ஸ் அணி முதலில் பந்துவீச தீர்மானித்து களமிறங்கியது.

அதன்படி பேட்டிங் செய்த அபுதாபி அணியில் பிராண்டன் கிங், கென்னர் லூயிஸ் ஆகியோர் அடுத்தடுத்து சொற்ப ரன்களுக்கு விக்கெட்டை இழந்தனர். அதன்பின் களமிறங்கிய ரெய்ஃபெர், அசலங்கா, ஆண்ட்ரே ரஸ்ஸல், சுனில் நரைன் என அடுத்தடுத்து கனிசமான ரன்களில் ஆட்டமிழந்தனர். 

Trending


இருப்பினும் 3ஆவது விக்கெட்டுக்கு களமிறங்கிய தனஞ்செய டி சில்வா அதிரடியாக விளையடை அரைசதம் கடந்து அசத்தினார். பின் அவரும் 65 ரன்களில் ஆட்டமிழக்க, 20 ஓவர்கள் முடிவில் அபுதாபி நைட் ரைடர்ஸ் அணி 7 விக்கெட் இழப்பிற்கு 170 ரன்களைச் சேர்த்தது. 

இதையடுத்து இலக்கை நோக்கி களமிறங்கிய எம்ஐ எமீரேட்ஸ் அணியின் தொடக்க வீரர்கள் வில் ஸ்மீத், முகமது வாசீம் ஆகியோர் சொற்ப ரன்களுக்கு விக்கெட்டை இழந்தனர். அதன்பின் களமிறங்கிய ஆண்ட்ரே ஃபிளெட்சர் அதிரடியாக விளையாடி ஸ்கோரை உயர்த்தினார். நிக்கோலஸ் பூரன் 20 ரன்களிலும், கீரென் பொல்லார்ட் 31  ரன்களிலும் ஆட்டமிழந்தனர்.

அதன்பின் அரைசதத்தைப் பூர்த்தி செய்த ஆண்ட்ரே ஃபிளெட்சர் 53 ரன்களில் ஆட்டமிழக்க, பின்னர் ஜோடி சேர்ந்த நஜிபுல்லா ஸத்ரான் - டுவைன் பிராவோ அதிரடியாக விளையாடி அணியை வெற்றிக்கு அழைத்துச் சென்றனர். இதன்மூலம் 20ஆவது ஓவரின் கடைசி பந்தில் எம் ஐ எமீரேட்ஸ் அணி இலக்கை எட்டி 5 விக்கெட் வித்தியாசத்தில் அபுதாபி நட் ரைடர்ஸ் அணியை வீழ்த்தி வெற்றிபெற்றது.


Win Big, Make Your Cricket Tales Now

Cricket Scorecard

Advertisement
Advertisement