இந்தியா vs தென் ஆப்பிரிக்கா, 3ஆவது ஒருநாள் - உத்தேச லெவன் & ஃபேண்டஸி டிப்ஸ்!
இந்தியா - தென் ஆப்பிரிக்கா அணிகளுக்கு இடையேயான மூன்றாவது ஒருநாள் போட்டி இன்று டெல்லியிலுள்ள அருண் ஜெட்லி மைதானத்தில் நடைபெறுகிறது.
இந்தியா வந்துள்ள தென் ஆப்பிரிக்க அணி மூன்று போட்டிகள் கொண்ட ஒருநாள் தொடரில் பங்கேற்று விளையாடி வருகிறது. இதில் முதல் போட்டியில் தென் ஆப்பிரிக்க அணி பந்துவீச்சில் ஆதிக்கம் செலுத்தி அபார வெற்றியைப் பெற்ற நிலையில், இரண்டாவது போட்டியில் இந்தியா பேட்டிங், பந்துவீச்சு இரண்டிலும் ஆதிக்கம் செலுத்தி அசத்தல் வெற்றியை பதிவு செய்தது.
இரண்டாவது போட்டியில் ஸ்ரேயஸ் ஐயர், முகமது சிராஜ் ஆகியோர் பேட்டிங், பந்துவீச்சில் பட்டையைக் கிளப்பினார்கள். ஸ்ரேயஸ் ஐயர் மீது பவுன்சருக்கு எதிராக திணறுகிறார் என்ற விமர்சனம் இருந்த நிலையில், அதற்கு பதிலடி கொடுக்கும் வகையில் செயல்பட்டார். டி20 உலகக் கோப்பை அணியில் பும்ரா, தீபக் சஹார் ஆகியோர் காயத்தில் அவதிப்பட்டு வருவதால், அந்த இடத்தை பிடிக்க சிராஜ் மிரட்டலாக முயற்சித்து வருகிறார். இதனால், சிராஜ் விரைவில் ஆஸ்திரேலியாவுக்கு செல்ல அதிக வாய்ப்புள்ளது.
Trending
இஷான் கிஷன், தவன், கில் போன்றவர்கள் அடுத்த வருடம் ஒருநாள் உலகக் கோப்பை அணியில் இடம்பெறுவதற்கான ரேசில் பங்கேற்க இத்தொடரை பயன்படுத்தியே ஆக வேண்டும். இதனால், கடைசி போட்டியில் இவர்கள் சிறப்பாக செயல்பட வேண்டிய கட்டாயத்தில் இருக்கிறார்கள்.
அதேபோல் ஆவேஷ் கான், ஷாபஸ் அகமது, குல்தீப் யாதவ், வாஷிங்டன் சுந்தர் என அனைவருக்கும் இத்தொடர் மிக முக்கியமானது. இதனால், கடைசி போட்டியில் இவர்கள் முடிந்த அளவுக்கு சிறந்த பங்களிப்பை வழங்க போராடுவார்கள், என்பதால் தென் ஆப்பிரிக்க அணி வெற்றிபெற கடுமையாக போராடியே ஆக வேண்டும்.
தென் ஆப்பிரிக்க அணி ஒருநாள் உலகக் கோப்பை 2023-க்கான சாம்பியன்ஸ் லீக் புள்ளிப் பட்டியலில் 69 புள்ளிகளுடன் 11ஆவது இடத்தில் இருக்கிறது. கடைசிப் போட்டியில் வென்றால் மட்டுமே 79 புள்ளிகளுடன் 9ஆவது இடத்திற்கு முன்னேற முடியும். இதனால், அந்த அணியின் பேட்டர்கள், பந்துவீச்சாளர்கள் அனைவரும் அனல்பறக்க விளையாடுவார்கள் என எதிர்பார்க்கப்படுகிறது.
அணியின் பேட்டிங்கில் டி காக், ஹெண்ட்ரிக்ஸ், மார்க்ரம், மில்லர், கிளாசென் ஆகியோர் தொடர்ந்து அபாரமாக செயல்பட்டு வர, பந்துவீச்சில் நோர்ட்ஜே, ரபாடா, பார்னெல், மஹாராஜ் ஆகியோரும் இருப்பது நிச்சயம் எதிரணிக்கு சவாலாக அமையும் என்பதில் சந்தேகமில்லை. இப்படி இரண்டு தரப்புக்கும் இப்போட்டி மிக முக்கியமானது என்பதால் நிச்சயம் விறுவிறுப்புக்கு பஞ்சமிருக்காது.
மேலும் போட்டி நடைபெறவுள்ள டெல்லி அருண் ஜெட்லி மைதானம் பேட்டர்களுக்கு சாதகமாக இருக்கும் எனக் கணிக்கப்பட்டுள்ளது. பனியின் தாக்கமும் இருக்கும். மேலும், பவுண்டரிகளும் அளவில் சிறியது என்பதால் டாஸ் வென்று இரண்டாவது பேட்டிங் செய்யும் அணிக்கு வெற்றி வாய்ப்பு பிரகாசமாக இருக்கும் எனக் கணிக்கப்பட்டுள்ளது. ஆனால் மழை பெய்வதற்கான சாத்திய கூறுகள் இருப்பதால் இப்போட்டி முழுமையாக நடைபெறுமா என்ற அச்சமும் ரசிகர்கள் மத்தில் இருப்பது குறிப்பிடத்தக்கது.
உத்தேச அணி
இந்தியா - ஷிகர் தவான் (கே), ஷுப்மான் கில், இஷான் கிஷன், ஸ்ரேயாஸ் ஐயர், சஞ்சு சாம்சன், வாஷிங்டன் சுந்தர், ஷாபாஸ் அகமது, ஷர்துல் தாக்கூர், குல்தீப் யாதவ், முகமது சிராஜ், அவேஷ் கான்.
தென் ஆப்பிரிக்கா - ஜான்மேன் மலான், குயின்டன் டி காக், ரீசா ஹென்ட்ரிக்ஸ், ஐடன் மார்க்ரம், ஹென்ரிச் கிளாசென், டேவிட் மில்லர், வெய்ன் பார்னெல், கேசவ் மகராஜ் (கே), ஜார்ன் ஃபோர்டுயின்/லுங்கி என்கிடி, ககிசோ ரபாடா, அன்ரிச் நார்ட்ஜெ
ஃபேண்டஸி லெவன் டிப்ஸ்
- விக்கெட் கீப்பர் - சஞ்சு சாம்சன், ஹென்ரிச் கிளாசென், இஷான் கிஷன்
- பேட்டர்ஸ் - ரீசா ஹென்ட்ரிக்ஸ், டேவிட் மில்லர், ஷ்ரேயாஸ் ஐயர்
- ஆல்-ரவுண்டர்கள் - ஷர்துல் தாக்கூர், ஐடன் மார்க்ரம்
- பந்துவீச்சாளர்கள் - ககிசோ ரபாடா, லுங்கி என்கிடி / குல்தீப் யாதவ், முகமது சிராஜ்
Win Big, Make Your Cricket Tales Now
