IND vs AUS, 3rd T20I: Cameron Green & Tim David's half-century powers Australia to a big total (Image Source: Google)
இந்தியா - ஆஸ்திரேலிய அணிகளுக்கு இடையேயான மூன்றாவது மற்றும் கடைசி டி20 போட்டி இன்று ஹைதராபாத்தில் நடைபெற்றுவருகிறது. இப்போட்டியில் டாஸ் வென்ற இந்திய அணி கேப்டன் ரோஹித் சர்மா முதலில் பந்துவீசுவதாக அறிவித்தார்.
அதன்படி களமிறங்கிய ஆஸ்திரேலிய அணிக்கு காமரூன் க்ரீன் - கேப்டன் ஆரோன் ஃபிஞ்ச் இணை தொடக்க வீரர்களாக களமிறங்கினர். இதில் க்ரீன் முதல் பந்து முதலே அதிரடி ஆட்டத்தை வெளிப்படுத்த மறுமுனையில் இருந்த ஆரோன் ஃபிஞ்ச் சிங்கிள் எடுத்த க்ரீனிற்கு ஸ்டிரைக் கொடுத்து வந்தார்.
பின் 7 ரன்களில் ஃபிஞ்ச் சிக்ஸர் அடிக்க முயற்சித்து அக்ஸர் படேல் பந்துவீச்சில் ஆட்டமிழக்க, மறுமுனையில் தொடர்ந்து அதிரடியில் மிரட்டி வந்த காமரூன் க்ரீன் 19 பந்துகளில் அரைசதம் கடந்து அசத்தினார். மேலும் இந்திய அணிக்கெதிராக ஒரு வீரர் அடித்த அதிவேக அரைசதமாகவும் இது அமைந்தது.
