இந்தியா vs ஆஸ்திரேலியா, 3ஆவது டி20 - தொடரை தக்கவைக்குமா ஆஸ்திரேலியா?

இந்தியா - ஆஸ்திரேலிய அணிகளுக்கும் இடையேயான தொடரின் வெற்றியாளரைத் தீர்மானிக்கும் மூன்றாவது டி20 போட்டி இன்று கௌகாத்தில் நடைபெறவுள்ளது.

இந்தியா vs ஆஸ்திரேலியா, 2ஆவது டி20 - தொடரை தக்கவைக்குமா ஆஸ்திரேலியா? (Image Source: Google)

உலகக் கோப்பை தொடருக்கு பின்னர் இந்திய அணி 5 போட்டிகள் கொண்ட டி20 தொடரில் விளையாடி வருகிறது. இதில், இந்திய அணி மற்றும் ஆஸ்திரேலிய அணிகள் மோதி வருகின்றன. அதன்படி, கடந்த நவம்பர் 24ஆம் தேதி  விசாகபட்டினத்தில் நடைபெற்ற முதல் போட்டியில் அதிரடியாக விளையாடிய இந்திய அணி 2 விக்கெட்டுகள் வித்தியாசத்தில் கடைசி ஓவரில் வெற்றி பெற்றது.

அதேபோல், நவம்பர் 26  நடைபெற்ற இரண்டாவது டி20 போட்டியில் இந்திய அணி 44 ரன்கள் வித்தியாசத்தில் வெற்றி பெற்றது. தற்போது 2-0 என்ற கணக்கில் இந்திய அணி முன்னிலையில் உள்ளது. இந்நிலையில் தொடரின் வெற்றியாளரைத் தீர்மானிக்கும் மூன்றாவது டி20 போட்டி இன்று கௌகாத்தியில் நடைபெறவுள்ளது. இப்போட்டியில் இந்திய அணி வெல்லும் பட்சத்தில் டி20 தொடரைக் கைப்பற்றும் என்பதால் இப்போட்டியின் மீதான எதிர்பார்ப்புகள் அதிகரித்துள்ளன. 

இந்திய அணியைப் பொருத்தவரை, அடுத்த ஆட்டத்தில் ஸ்ரேயஸ் ஐயா் இணைவதால், நடப்பு தொடரில் திலக் வா்மாவுக்கு இந்த ஆட்டம் கடைசி வாய்ப்பாக இருக்கலாம். பேட்டிங்கில் தடுமாறும் திலக் வா்மாவுக்கு பதிலாக நிச்சயம் ஸ்ரேயஸ் ஐயா் பிளேயிங் லெவனில் இணைவாா். எனினும், இந்தியா விளையாடிய கடந்த 12 டி20 ஆட்டங்கள் அனைத்திலுமே திலக் இடம் பிடித்தது குறிப்பிடத்தக்கது.

டாப் ஆா்டா் பேட்டிங்கில் யஷஸ்வி ஜெய்ஸ்வால், ருதுராஜ் கெய்க்வாட், சூா்யகுமாா் யாதவ் ஆகியோா் தலா 1 அரைசதத்துடன் இடத்துக்குப் பொருத்தமான பணியைச் செய்கின்றனா். இஷான் கிஷணும் சிறப்பானதொரு ஆட்டத்தை வெளிப்படுத்துகிறாா். ஃபினிஷிங் இடத்தை உறுதி செய்துகொள்ளும் வகையில் ரிங்கு சிங் அதிரடியாக ரன்கள் சோ்க்கிறாா்.

முதல் ஆட்டத்துடன் ஒப்பிடுகையில் இந்திய பௌலா்கள் 2ஆவது ஆட்டத்தில் சிறப்பாகச் செயல்பட்டனா். 2ஆவது ஆட்டத்தில் ஆஸ்திரேலியாவின் பவுண்டரி சதவீதங்களை குறைத்திருக்கின்றனா் அவா்கள். பிரசித் கிருஷ்ணா, அா்ஷ்தீப் சிங், ரவி பிஷ்னோய் ஆகியோா் ஆஸ்திரேலிய பேட்டா்களை சரிக்கக் காத்திருக்கின்றனா்.

மறுபுறம் ஆஸ்திரேலிய அணியில், பிரதான வீரா்களான ஸ்டீவ் ஸ்மித், கிளென் மேக்ஸ்வெல், ஜோஷ் இங்கிலிஸ், மாா்கஸ் ஸ்டாய்னிஸ், ஆடம் ஸாம்பா ஆகியோா் தொடா்ந்து விளையாடி வருவது அணிக்கு பலம் சேர்க்கும் விசயமாக பார்க்கப்படுகிறது. எனினும், பந்துவீச்சாளர்கள் தரப்பில் நாதன் எல்லிஸ், சீன் அபேட், ஜேசன் பெஹ்ரண்ட்ராஃப் ஆகியோர் தொடர்ந்து ரன்களை வாரிவழங்குவது அணியின் தோல்விக்கு காரணமாக பார்க்கப்படுகிறது.

இதனால் இன்றைய போட்டிக்கான ஆஸ்திரேலிய அணியில் மாற்றங்கள் இருக்கும் என எதிர்பார்க்கப்படுகிறது. அதேசமயம் இப்போட்டியில் தோல்வியடைந்தால் ஆஸ்திரேலிய அணி தொடரை இழக்க நேரிடும் என்பதால் நிச்சயம் இப்போட்டியில் வெற்றிபெற வேண்டிய கட்டாயத்தில் அந்த அணி விளையாடும் என எதிர்பார்க்கப்படுகிறது. 

உத்தேச லெவன்:

இந்திய அணி: யஷஸ்வி ஜெய்ஸ்வால், ருதுராஜ் கெய்க்வாட், இஷான் கிஷன் (விக்கெட் கீப்பர்), சூர்யகுமார் யாதவ் (கேப்டன்), திலக் வர்மா, ரின்கு சிங், அக்சர் படேல், ரவி பிஷ்னோய், அர்ஷ்தீப் சிங், முகேஷ் குமார் மற்றும் பிரசித் கிருஷ்ணா.

ஆஸ்திரேலிய அணி: ஸ்டீவ் ஸ்மித், மேத்யூ ஷார்ட், ஜோஷ் இங்கிலிஸ், மார்கஸ் ஸ்டோனிஸ், டிம் டேவிட், கிளென் மேக்ஸ்வெல், மேத்யூ வேட் (கேப்டன் மற்றும் விக்கெட் கீப்பர்), சீன் அபோட், நாதன் எல்லிஸ், ஆடம் ஜம்பா, மற்றும் தன்வீர் சங்கா.

ஃபேண்டஸி லெவன் டிப்ஸ்

• விக்கெட் கீப்பர் - ஜோஷ் ஆங்கிலம், இஷான் கிஷன்
• பேட்ஸ்மேன்கள்- ஸ்டீவ் ஸ்மித், சூர்யகுமார் யாதவ் (துணை கேப்டன்), ருதுராஜ் கெய்க்வாட், யஷஸ்வி ஜெய்ஸ்வால்
• ஆல்ரவுண்டர்கள் - மார்கஸ் ஸ்டோனிஸ் (கேப்டன்), மேத்யூ ஷார்ட்
• பந்துவீச்சாளர்கள்- சீன் அபோட், ஜேசன் பெஹ்ரன்டோர்ஃப், ரவி பிஷ்னோய்.

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now