இந்தியா vs ஆஸ்திரேலியா, 4ஆவது டி20 - தொடரை வென்று சாதிக்குமா இந்தியா?

இந்தியா - ஆஸ்திரேலிய அணிகளுக்கு இடையேயான டி20 தொடரின் வெற்றியாளரைத் தீர்மானிக்கும் நான்காவது டி20 போட்டி இன்று ராய்ப்பூரில் நடைபெறுகிறது.

இந்தியா vs ஆஸ்திரேலியா, 4ஆவது டி20 - தொடரை வென்று சாதிக்குமா இந்தியா? (Image Source: Google)

இந்தியா மற்றும் ஆஸ்திரேலியா இடையேயான 5 போட்டிகள் கொண்ட டி20 தொடரின் நான்காவது போட்டி இன்று ராய்ப்பூரில் நடக்கிறது. இன்றைய போட்டியில் இந்தியா வெற்றி பெற்றால் தொடரை கைப்பற்றும், ஆனால் இன்று வெற்றி பெறவில்லை என்றால் ஐந்தாவது மற்றும் கடைசி டி20 போட்டியில் தொடரை தீர்மானிக்கும் என்பதால் இந்திய அணி இந்த போட்டியில் வெல்லும் முனைப்புடன் களமிறங்கும்.

இந்திய அணியை பொருத்தவரை, இந்த ஆட்டத்தில் ஸ்ரேயஸ் ஐயா் இணைகிறாா். அவா் பிளேயிங் லெவனில் நிச்சயம் இடம்பெறுவாா் என்பதால், திலக் வா்மாவுக்கு ஓய்வளிக்கப்படலாம். இதுதவிர பேட்டிங் லைனில் மாற்றம் இருக்க வாய்ப்பில்லை. ஜெய்ஸ்வால், கெய்க்வாட், இஷான்கிஷன், சூா்யகுமாா் யாதவ், ரிங்கு சிங் என பலம் சோ்க்கும் வீரா்கள் இருக்கின்றனா்.

ஆனால், பௌலிங் வரிசையில் மாற்றம் வரும் என எதிா்பாா்க்கலாம். ஏனெனில், 3ஆவது ஆட்டத்தில் இந்தியா ஏறத்தாழ வெற்றியை நெருங்கிய நிலையில், கடைசி இரு ஓவா்களில் 40 ரன்களை கட்டுப்படுத்த முடியாமல் போனதால் வெற்றி கை நழுவிப்போனது. அதிலும், 4 ஓவா்களில் 68 ரன்கள் கொடுத்த பிரஷித் கிருஷ்ணா, கடைசி ஓவரில் மட்டும் 21 ரன்கள் கொடுத்திருந்தாா்.

அவரும், ஆவேஷ் கானும் பந்துவீச்சில் நுட்ப மாற்றங்களை புகுத்தாமல் ஒரே லெங்க்திலேயே பௌலிங் செய்தது, அவா்கள் பந்துவீச்சை எளிதாக கணிக்கும்படியானது. எனவே, இந்த ஆட்டத்தில் அவா்களில் ஒருவருக்கு பதில் தீபக் சஹா் தோ்வு செய்யப்பட வாய்ப்புள்ளது. டெத் ஓவா்களில் சிறப்பாகப் பந்துவீசிய முகேஷ் குமாா் ஓய்வுக்குப் பிறகு இந்த ஆட்டத்தில் மீண்டும் இணைகிறாா்.

அதேநேரத்தில் பந்துவீச்சு, பேட்டிங், பீல்டிங் என அனைத்து துறைகளிலும் ஆஸ்திரேலிய அணி சிறப்பான பங்களிப்பை வழங்கி வருகிறது.பேட்டிங்கில் டிராவிஸ் ஹெட், ஆரோன் ஹார்டி, டிம் டேவிட், மேத்யூ வேட் ஆகியோர் சிறப்பான ஃபார்மில் உள்ளனர். குறிப்பாக கடந்த ஆட்டத்தில் மேக்ஸ்வெல் 48 பந்துகளில் 104 ரன்கள் குவித்து அணிக்கு வெற்றி தேடித் தந்தார். 

ஆனால் கிளென் மேக்ஸ்வெல், ஸ்டீவ் ஸ்மித், ஆடம் ஸம்பா ஆகியோர் ஆஸ்திரேலியாவுக்கு புறப்பட்டுச் சென்றுவிட்டனர். மேலும் மார்கஸ் ஸ்டோனிஸ், ஜோஷ் இங்கிலிஸ், சீன் அபோட் ஆகியோரும் ஆஸ்திரேலியாவுக்குச் சென்றுள்ளனர். அவர்களுக்குப் பதிலாக பென் மெக்டர்மட், ஜோஷ் பிலிப், பென் துவரீஷுயிஸ், கிறிஸ் கிரீன் ஆகியோர் அணியுடன் இணைந்துள்ளதால் நிச்சயம் இப்போட்டியில் ரன்மழைக்கு பஞ்சமிருக்காது என எதிர்பார்க்கப்படுகிறது. 

உத்தேச லெவன்:

இந்தியா: யஷஸ்வி ஜெய்ஸ்வால், ருதுராஜ் கெய்க்வாட், இஷான் கிஷன், ஸ்ரேயாஸ் ஐயர், சூர்யகுமார் யாதவ், ரிங்கு சிங், அக்சர் படேல், தீபக் சாஹர், ரவி பிஷ்னோய், அர்ஷ்தீப் சிங், முகேஷ் குமார்.

ஆஸ்திரேலியா: மேத்யூ ஷார்ட், டிராவிஸ் ஹெட், பென் மெக்டெர்மாட், டிம் டேவிட், ஆரோன் ஹார்டி, மேத்யூ வேட் (கே), கிறிஸ் கிரீன், ஜேசன் பெஹ்ரன்டோர்ஃப், நாதன் எல்லிஸ், தன்வீர் சங்கா, கேன் ரிச்சர்ட்சன்.

ஃபேண்டஸி லெவன் டிப்ஸ்

• விக்கெட் கீப்பர் - மேத்யூ வேட், இஷான் கிஷன்
• பேட்ஸ்மேன்கள்- சூர்யகுமார் யாதவ், டிராவிஸ் ஹெட், ஸ்ரேயாஸ் ஐயர், ருதுராஜ் கெய்க்வாட் (கேப்டன்), யஷஸ்வி ஜெய்ஸ்வால், ரிங்கு சிங்
• ஆல்ரவுண்டர் - ஆரோன் ஹார்டி (துணை கேப்டன்)
• பந்துவீச்சாளர்கள்- ரவி பிஷ்னோய், ஜேசன் பெஹ்ரன்டோர்ஃப்

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now