பிரித்வி ஷா சிறிது காத்திருக்க வேண்டும் - ஹர்திக் பாண்டியா!
நியூசிலாந்து அணியுடனான முதல் டி20 போட்டிக்கான இந்திய அணியின் உத்தேச ஆடும் லெவன் குறித்து இங்கு பார்ப்போம்.
இந்தியா வந்துள்ள நியூசிலாந்து கிரிக்கெட் அணி, இந்திய அணியுடன் மூன்று ஒருநாள் போட்டிகள் மற்றும் மூன்று டி.20 போட்டிகள் கொண்ட தொடரில் பங்கேற்றுள்ளது. இதில் முதலில் நடைபெற்ற ஒருநாள் தொடரை 3-0 என்ற கணக்கில் இந்திய அணி முழுமையாக கைப்பற்றிய நிலையில், இரு அணிகள் இடையேயான மூன்று போட்டிகள் கொண்ட டி.20 தொடர் 27, 29 மற்றும் பிப்ரவி 1 ஆகிய தேதிகளில் நடைபெற உள்ளது.
ஒருநாள் தொடரை இந்திய அணி இலகுவாக கைப்பற்றியிருந்தாலும், டி.20 தொடரில் நியூசிலாந்து அணியை வீழ்த்துவது அவ்வளவு எளிதான காரியம் இல்லை என்பதால் இரு அணிகள் இடையேயான டி.20 தொடர் மீது அதிக எதிர்பார்ப்பு நிலவி வருகிறது. ரோஹித் சர்மா, விராட் கோலி என சீனியர் வீரர்கள் பலர் இல்லாத ஹர்திக் பாண்டியா தலைமையிலான இளம் இந்திய அணி நியூசிலாந்து அணியை நாளை (27-1-23) எதிர்கொள்ள நிலையில், இந்த போட்டிக்கான இந்திய அணியின் உத்தேச ஆடும் லெவன் குறித்து இங்கு பார்ப்போம்.
Trending
காயம் காரணமாக ருத்துராஜ் கெய்க்வாட் நியூசிலாந்து அணியுடனான டி.20 தொடரில் இருந்து முழுமையாக விலகியுள்ளதால், முதல் டி20 போட்டியில் சுப்மன் கில் மற்றும் இஷான் கிஷன் ஆகியோர் துவக்க வீரர்களாக களமிறங்குவார்கள் என தெரிகிறது. உள்ளூர் தொடர்களில் அதிகமான ரன்கள் குவித்து பல்வேறு சாதனைகள் படைத்ததன் மூலம் பிரித்வி ஷா இந்திய அணியில் இடம்பெற்றிருந்தாலும், அவர் முதல் டி20 போட்டியிலேயே வாய்ப்பு கிடைக்காது என்றே தெரிகிறது.
மிடில் ஆர்டரில் சூர்யகுமார் யாதவ் மற்றும் ராகுல் திரிபாதி ஆகியோர் இடம்பெறுவார்கள் என தெரிகிறது. ஆல் ரவுண்டர்கள் வரிசையில் ஹர்திக் பாண்டியா, தீபக் ஹூடா மற்றும் வாசிங்டன் சுந்தர் ஆகியோர் இடம்பெறுவார்கள் என தெரிகிறது. பந்துவீச்சாளர்கள் வரிசையில் அர்ஸ்தீப் சிங், உம்ரன் மாலிக், குல்தீப் யாதவ் மற்றும் யுஸ்வேந்திர சாஹல் ஆகியோருக்கு இடம் கிடைக்கும் என எதிர்பார்க்கப்படுகிறது.
இந்நிலையில் நியூசிலாந்துக்கு எதிரான முதல் டி20 போட்டியில் பிரித்வி ஷா இடம்பிடிக்க மாட்டார் என கேப்டன் ஹர்திக் பாண்டியாவும் தெரிவித்துள்ளார். இதுகுறித்து பேசிய அவர்,“ஷுப்மான் சிறப்பாக செயல்பட்டு தொடரை தொடங்குவார். அவர் பேட்டிங் செய்யும் விதம் மற்றும் ஏற்கனவே டி20 அணியில் அங்கம் வகித்தவர்” என்று தெரிவித்துள்ளார். இதன்மூலம் பிரித்வி ஷா பிளேயிங் லெவனில் இருக்கமாட்டார் என்பது உறுதியாகியுள்ளது.
Win Big, Make Your Cricket Tales Now
