IND vs NZ: மீண்டும் கீப்பிங் செய்யும் கேஎஸ் பரத்!

இந்தியா - நியூசிலாந்து அணிகளுக்கு இடையேயான முதல் டெஸ்ட் போட்டி கான்பூரில் நடைபெற்று வருகிறது. இதில் டாஸ் வென்று முதலில் பேட்டிங் செய்த இந்திய அணி முதல் இன்னிங்ஸில் 345 ரன்களைச் சேர்த்தது. 

அதன்பின் முதல் இன்னிங்ஸை விளையாடிய நியூசிலாந்து அணி 296 ரன்களுக்கு ஆல் அவுட்டானது. அதன்பின் இரண்டாவது இன்னிங்ஸில் விளையாடிய இந்திய அணி நான்காம் நாள் ஆட்டநேர முடிவுக்கு முன்னதாக  234 ரன்களுக்கு டிக்ளர் செய்தது. 

இதையடுத்து 284 ரன்கள் எடுத்தால் வெற்றி என்ற இலக்குடன் நியூசிலாந்து அணி இரண்டாவது இன்னிங்ஸில் விளையாடி வருகிறது. இந்நிலையில் போட்டியின் கடைசி நாளான இன்று நியூசிலாந்து அணி வெற்றியை நோக்கி விளையாடி வருகிறது.

இதற்கிடையில் இன்றைய போட்டிக்கான இந்திய அணியின் விக்கெட் கீப்பராக மீண்டும் கேஎஸ் பரத் விளையாடி வருகிறார். பிளேயிங் லெவனில் இடம்பிடித்திருந்த விருத்திமான் சஹா கழுத்துப்பகுதியில் ஏற்பட்ட காயம் காரணமாக இன்றைய போட்டியில் அவருக்கு ஓய்வளிக்கப்பட்டுள்ளது.

இதன் காரணமாக கேஎஸ் பரத் ஐந்தாம் நாளான இன்று விக்கெட் கீப்பராக செயல்பட்டு வருகிறார்.

Win Big, Make Your Cricket Tales Now