IND vs NZ: இரட்டை சதமடித்து சாதனைகளை குவித்த ஷுப்மன் கில்!

ஒருநாள் கிரிக்கெட்டில் விரைவாக 1000 ரன்கள் எடுத்த இந்திய வீரர் மற்றும் இளம் வயதில் இரட்டை சதம் விளாசிய வீரர் என்கிற சாதனைகளை இந்திய வீரர் ஷுப்மன் கில் படைத்துள்ளார்.

IND Vs NZ,1st ODI: Shubman Gill Becomes Fastest Indian Cricketer To Score 1000 ODI Runs (Image Source: Google)

இந்திய அணியின் எதிர்கால வீரர்களில் ஒருவராக பார்க்கப்படுபவர் ஷுப்மன் கில். தற்போது 23 வயது ஷுப்மன் கில் நியூசிலாந்துக்கு எதிரான ஒருநாள் ஆட்டத்துக்கு முன்பு, 13 டெஸ்டுகள், 18 ஒருநாள், 3 டி20 போட்டிகளில் இந்திய அணிக்காக  விளையாடியுள்ளார். 

இந்நிலையில் ஹைதராபாத்தில் நடைபெற்று வரும் நியூசிலாந்துக்கு எதிரான முதல் ஒருநாள் ஆட்டத்தில் 87 பந்துகளில் தனது 3ஆவது ஒருநாள் சதத்தை எடுத்தார் ஷுப்மன் கில். அத்துடன் நில்லாமல் அதிரடியான ஆட்டத்தை வெளிப்படுத்தி 145 பந்துகளில் தனது முதல் இரட்டை சதத்தைப் பதிவுசெய்து வரலாற்று சாதனையையும் நிகழ்த்தினார்.

இன்று, 109 ரன்களை எடுத்தபோது 1000 ஒருநாள் ரன்களைப் பூர்த்தி செய்தார் ஷுப்மன் கில். இதன்மூலம் 18 இன்னிங்ஸில் 1000 ஒருநாள் ரன்களை எடுத்த ஷுப்மன் கில், இந்த இலக்கை விரைவாக எட்டிய இந்திய வீரர் என்கிற சாதனையைப் படைத்தார். இதற்கு முன்பு, விராட் கோலி, 24 இன்னிங்ஸில் 1000 ரன்களை எடுத்தார். 

மேலும் 1000 ரன்களை விரைவாக எடுத்த வீரர்களில் கில்லுக்கு 2ஆவது இடம். பாகிஸ்தானின் ஃபகார் ஸமான் 18 இன்னிங்ஸிலும் இமாம் உல் ஹக், கில் ஆகிய இருவரும் 19 இன்னிங்ஸிலும் இந்த இலக்கை அடைந்துள்ளார்கள்.

அதேபோல் குறைந்த வயதில் ஒருநாள் கிரிகெட்டில் இரட்டை சதமடித்த முதல் வீரர் எனும் வரலாற்று சாதனையையும் ஷுப்மன் கில் நிகழ்த்தியுள்ளார். இதற்கு முன்னதாக கடந்த மாதம் வங்கதேச தொடரின் போது இந்திய வீரர் இஷான் கிஷான் இரட்டை சதமடித்து, குறைந்த வயதில் இரட்டை சதமடித்த வீரர் எனும் சதனையை படைத்திருந்தார். தற்போது அதனை ஷுப்மன் கில் முறியடித்துள்ளார்.

மேலும் இந்திய அணி சார்பாக ஒருநாள் கிரிக்கெட்டில் இரட்டை சதம் விளாசும் ஐந்தாவது வீரர் எனும் பெருமையையும் ஷுப்மன் கில் பெற்றுள்ளார்.

Win Big, Make Your Cricket Tales Now