IND vs IND, 1st ODI: வாஷிங்டன், சஹால் பந்துவீச்சில் சுருண்டது விண்டீஸ்!
இந்தியாவுக்கு எதிரான முதல் ஒருநாள் போட்டியில் முதலில் பேட்டிங் செய்த வெஸ்ட் இண்டீஸ் அணி 176 ரன்களுக்கு அனைத்து விக்கெட்டுகளையும் இழந்தது.
இப்போட்டியில் டாஸ் வென்ற இந்திய அணி கேப்டன் ரோஹித் சர்மா முதலில் பந்துவிச தீர்மானித்தார். அதன்படி களமிறங்கிய வெஸ்ட் இண்டீஸ் அணியில் ஷாய் ஹோப் 8 ரன்னிலும், பிராண்டன் கிங் 13 ரன்னிலும் ஆட்டமிழந்து வெளியேறினர்.
Trending
அடுத்து வந்த டேரன் பிராவோவை வாஷிங்டன் சுந்தர் வீழ்த்த, ப்ரூக்ஸ், பூரன், கீரன் பொல்லார்ட் ஆகியோரை யுஸ்வேந்திர சஹால் வெளியேற்றி வெஸ்ட் இண்டீஸை நிலைகுழையச் செய்தார்.
அதன்பின் ஜோடி சேர்ந்த ஜேசன் ஹோல்டர் - ஃபாபியன் ஆலன் இணை பொறுப்பான ஆட்டத்தை வெளிப்படுத்தி ஸ்கோரை உயர்த்தினர். இதில் ஜோல்டர் அரைசதம் கடந்து அசத்தினார்.
அதன்பின் 29 ரன்கள் எடுத்திருந்த ஃபாபியன் ஆலன், வாஷிங்டன் சுந்தர் பந்துவீச்சில் அவரிடேமே கேட்ச் கொடுத்து ஆட்டமிழந்தார். அடுத்து 57 ரன்கள் எடுத்து அபாரமாக விளையாடிவந்த ஜேசன் ஹோல்டன் பிரசித் கிருஷ்ணா பந்துவீச்சில் விக்கெட்டை இழந்தார்.
இதனால் 44 ஓவர்கள் முடிவில் வெஸ்ட் இண்டீஸ் அணி அனைத்து விக்கெட்டுகளையும் இழந்து 176 ரன்களை மட்டுமே எடுத்தது. இந்திய அணி தரப்பில் யுஸ்வேந்திர சஹால் 4 விக்கெட்டுகளையும், வாஷிங்டன் சுந்தர் 3 விக்கெட்டுகளையும், பிரசித் கிருஷ்ணா 2 விக்கெட்டுகளையும் கைப்பற்றினர்.
Win Big, Make Your Cricket Tales Now
