இந்திய அணியில் எண்ட்ரி கொடுத்த உள்ளூர் நாயகன் முகேஷ் குமார்!

தென் ஆப்பிரிக்க அணிக்கெதிரான ஒருநாள் தொடரில் விளையாடும் இந்திய அணியில் அறிமுக வீரராக முகேஷ் குமார் சேர்க்கப்பட்டுள்ளார்.

India vs South Africa: Mukesh Kumar earn maiden India call-ups for SA ODIs (Image Source: Google)

இந்தியாவில் சுற்றுப்பயணம் மேற்கொண்டுள்ள தென் ஆப்பிரிக்க அணி மூன்று போட்டிகள் கொண்ட டி20, ஒருநாள் தொடர்ளில் விளையாடி வருகிறது. இதில், முதல் டி20 போட்டி கடந்த செப் 28ஆம் தேதி திருவனந்தபுரத்தில் நடைபெற்றது. இரண்டாவது டி20, கௌகாத்தியில் பர்சபரா மைதானத்தில் இன்று நடைபெற்று வருகிறது. தொடர்ந்து, கடைசி டி20 போட்டி மத்தியப் பிரதேசத்தின் இந்தூர் நகரில் நாளை மறுதினம் (அக்டோபர் 4) நடக்கிறது. 

இதையடுத்து, 3 ஒருநாள் போட்டிகளை இந்தியா, தென் ஆப்பிரிக்காவுக்கு எதிராக விளையாட இருக்கிறது. இப்போட்டிகள் அக்டோபர் 6, 9, 11ஆம் தேதிகளில் முறையே லக்னோ, ராஞ்சி, டெல்லி ஆகிய நகரங்களில் நடைபெற உள்ளது. 

இந்நிலையில், ஒருநாள் தொடருக்கான இந்திய அணியை பிசிசிஐ அறிவித்துள்ளது. அதில், ஷிகர் தவான் கேப்டனாகவும், ஸ்ரேயஸ் ஐயர் துணைக்கேப்டனாகவும் நியமிக்கப்பட்டுள்ளனர். ருதுராஜ் கெய்க்வாட், ராஜத் பட்டீதர், ஷாபாஸ் அகமது,  முகேஷ் குமார், ராகுல் திரிபாதி, ரவி பிஷ்னோய் ஆகியோர் இந்த 15 பேர் கொண்ட அணியில் இடம்பெற்றுள்ளனர். 

இவர்கள் 6 பேரும்  தங்களது முதல் சர்வதேச ஒருநாள் போட்டியை காத்திருக்கின்றனர். இவர்களுடன் சுப்மன் கில், இஷான் கிஷன், சஞ்சு சாம்சன் ஆகியோரும் இடம்பெற்றுள்ளனர். மேலே குறிப்பிட்ட 6 பேரில், முகேஷ் குமாரை தவிர்த்து அனைவரும் ஐபிஎல் தொடர் மூலம் கவனம் பெற்றவர்கள். 

முகேஷ் குமார், முதல் தர போட்டிகளில் மட்டுமே விளையாடி உள்ளார். பெங்கால் அணியின் வேகப்பந்துவீச்சாளரான இவர் 30 முதல் தர போட்டிகளில் விளையாடி 109 விக்கெட்டுகளை கைப்பற்றியுள்ளார். அதுமட்டுமின்றி, இந்திய ஏ அணிக்காக 18 ஒருநாள் போட்டிகளில் விளையாடி 17 விக்கெட்டுகளையும், 17 முதல் தர டி20 போட்டிகளில் 19 விக்கெட்டுகளையும் வீழ்த்தியுள்ளார். 

மேலும், சமீபத்தில் நடைபெற்ற நியூசிலாந்து ஏ அணிக்கு எதிரான டெஸ்ட் தொடரில், முகேஷ் குமார் இந்திய அணிக்கா விளையாடினார். 3 போட்டிகள் கொண்ட டெஸ்ட் தொடரில் அவர் மொத்தம் 9 விக்கெட்டுகளை வீழ்த்தியிருந்தார். அதுமட்டுமின்றி, தற்போது நடைபெற்று வரும் இரானி கோப்பை தொடரிலும் அவர் சிறப்பாக செயல்பட்டு வருவதால், அவருக்கு இந்திய அணியின் கதவு திறக்கப்பட்டுள்ளது.

இந்திய அணி : ஷிகர் தவான் (கேப்டன்), ஸ்ரேயஸ் ஐயர் (துணை கேப்டன்), ருதுராஜ் கெய்க்வாட், சுப்மன் கில், ராஜத் பட்டீதர், ராகுல் திரிபாதி, இஷான் கிஷன், சஞ்சு சாம்சன், ஷாபாஸ் அகமது, ஷர்துல் தாக்கூர், குல்தீப் யாதவ், ரவி பிஷ்னோய், முகேஷ் குமார், ஆவேஷ் கான், முகமது சிராஜ், தீபக் சஹார். 

Win Big, Make Your Cricket Tales Now