காயம் காரணமாக ஜிம்பாப்வே தொடரிலிருந்து விலகினார் வாஷிங்டன் சுந்தர்!

ஜிம்பாப்வேவுக்கு எதிரான ஒருநாள் தொடரிலிருந்து காயம் காரணமாக இந்திய ஆல் ரவுண்டர் வாஷிங்டன் சுந்தர் விலகினார்.

Indian all-rounder Washington Sundar ruled out of Zimbabwe series due to shoulder injury (Image Source: Google)

ஜிம்பாப்வே சென்றுள்ள இந்திய கிரிக்கெட் அணி 3 போட்டிகள் கொண்ட ஒரு நாள் தொடரில் விளையாடுகிறது. இதில் இரு அணிகளுக்கும் இடையேயான முதலாவது ஒரு நாள் போட்டி வரும் 18ஆம் தேதி ஹராரேயில் நடக்கிறது. 

இதற்கான இந்திய அணி நேற்று முன்தினம் ஹராரே சென்றடைந்து, நேற்று பயிற்சியில் ஈடுபட்டனர். ஜிம்பாப்வே அணிக்கு எதிரான ஒருநாள் தொடரில் இந்திய அணியை கேஎல் ராகுல் வழிநடத்துவார். ஷிகர் தவான் அணியின் துணை கேப்டனாக செயல்படுவார் என பி.சி.சி.ஐ. தெரிவித்துள்ளது. 

இந்த தொடரில் ரோஹித் சர்மா, விராட் கோலி, பும்ரா, ரிஷப் பண்ட் உள்ளிட்ட முன்னணி வீரர்களுக்கு ஓய்வு அளிக்கப்பட்டு உள்ளது. இதனால் ராகுல் திரிபாதி, வாஷிங்டன் சுந்தர் ஆகியோரும் வாய்ப்பளிக்கப்பட்டிருந்தது.

இந்நிலையில், இந்த தொடரில் அணியில் இடம் பெற்றிருந்த ஆல் ரவுண்டர் வாஷிங்டன் சுந்தர் தோளில் ஏற்பட்ட காயம் காரணமாக தொடரிலிருந்து விலகி உள்ளார். மான்செஸ்டரில் நடந்த ராயல் லண்டன் ஒருநாள் கோப்பை தொடரில் களமிறங்கும் போது வாஷிங்டன் சுந்தர் இடது தோளில் பலமாக காயம் ஏற்பட்டது. இதனால் அவர் தொடரிலுருந்து முற்றிலுமாக விலகியுள்ளார்.

முன்னதாக கடந்த 2022 பிப்ரவரியில் நடைபெற்ற வெஸ்ட் இண்டீஸுக்கு எதிரான தொடருக்குப் பிறகு சுந்தர் ஒருநாள் போட்டிகளில் விளையாடவில்லை என்பது குறிப்பிடத்தக்கது. 

Win Big, Make Your Cricket Tales Now