வங்கதேச டி20 தொடருக்கான இந்திய அணி அறிவிப்பு; அறிமுக வீரர்களுக்கு இடம்!
வங்கதேச அணிக்கு எதிரான மூன்று போட்டிகள் கொண்ட டி20 தொடரில் விளையாடும் 15 பேர் அடங்கிய இந்திய அணியை பிசிசிஐ இன்று அறிவித்துள்ளது.
வங்கதேச அணி இந்தியாவில் சுற்றுப்பயணம் செய்து 2 போட்டிகள் கொண்ட டெஸ்ட் தொடரிலும், 3 போட்டிகள் கொண்ட டி20 தொடரிலும் விளையாடவுள்ளது. இதில் இந்தியா - வங்கதேச அணிகளுக்கு இடையேயான டெஸ்ட் தொடரானது தற்சமயம் நடைபெற்று வருகிறது. இதில் நடைபெற்று முடிந்த முதல் டெஸ்ட் போட்டியில் இந்திய அணி வெற்றிபெற்றதுடன் 1-0 என்ற கணக்கில் தொடரில் முன்னிலை வகிக்கிறது.
இதனையடுத்து இரு அணிகளுக்கும் இடையேயான இரண்டாவது டெஸ்ட் போட்டியானது கான்பூரில் உள்ள கிரீன் பார்க் கிரிக்கெட் மைதானத்தில் நடைபெற்று வருகிறது. இந்நிலையில் இந்தியா - வங்கதேச அணிகளுக்கு இடையேயான மூன்று போட்டிகள் கொண்ட டி20 தொடரானது எதிவரும் அக்டோபர் 06ஆம் தேதி முதல் தொடங்கவுள்ளது. மேலும் இத்தொடரானது குவாலியர், டெல்லி மற்றும் ஹைத்ராபாத்தில் நடைபெறவுள்ளது.
Trending
இந்நிலையில் வங்கதேச அணிக்கு எதிரான டி20 தொடரில் பங்கேற்கும் 15 பேர் அடங்கிய இந்திய அணியை பிசிசிஐ இன்று அறிவித்துள்ளது. அதன்படி சூர்யகுமார் யாதவ் தலைமையிலான இந்த இந்திய அணியில், டெஸ்ட் தொடரில் விளையாடி வரும் யஷஸ்வி ஜெய்ஸ்வால் ஷுப்மன் கில், ரிஷப் பந்த், ஜஸ்பிரித் பும்ரா, அக்ஸர் படேல், குல்தீப் யாதவ், முகமது சிராஜ் உள்ளிட்டோருக்கு ஓய்வளிக்கப்பட்டு இளம் வீரர்களுக்கு வாய்ப்பு வழங்கப்பட்டுள்ளது.
அதன்படி சஞ்சு சாம்சன், அபிஷேக் சர்மா, ஹர்திக் பாண்டியா, ரிங்கு சிங், ஷிவம் தூபே, வாஷிங்டன் சுந்தர் ஆகியோருடன் தமிழக வீரர் வருண் சக்ரவர்த்தி மீண்டும் இந்திய டி20 அணியில் சேர்க்கப்பட்டுள்ளார். இவர்களைத் தவிர்த்து ஹர்ஷித் ரானா, மயங்க் யாதவ் மற்றும் நிதீஷ் குமார் ரெட்டி உள்ளிட்ட இளம் வீரர்களுக்கும் இத்தொடரில் விளையாடும் வாய்ப்பு கிடைத்துள்ளது. இதன்மூலம் இளமை மற்றும் அனுபவம் கலந்த அணியை பிசிசிஐ இந்த தொடருக்கு தேர்வு செய்துள்ளது.
India squad for the Bangladesh T20I series has been announced!#INDvBAN #SuryakumarYadav pic.twitter.com/tQe0Bar28h
— CRICKETNMORE (@cricketnmore) September 28, 2024
அதேசமயம் ருதுராஜ் கெய்க்வாட்டிற்கு இந்த அணியில் இடம் கிடைக்காதது ரசிகர்களை ஏமாற்றமடைய செய்துள்ளது. அதேசமயம் அபிஷேக் சர்மா மட்டுமே தொடக்க வீரராக தேர்வுசெய்யப்பட்டுள்ள நிலையில், அணியின் மற்றொரு தொடக்க வீரராக சஞ்சு சாம்சன் களமிறங்குவார் என்பது உறுதியாகியுள்ளது. மேற்கொண்டு ஐபிஎல் தொடரில் கலக்கிய மயங்க் யாதவ் முதல் முறையாக இந்திய அணிக்கு தேர்வாகியுள்ளது ரசிகர்களின் கவனத்தை ஈர்த்துள்ளது.
Also Read: Funding To Save Test Cricket
இந்திய டி20 அணி: சூர்யகுமார் யாதவ் (கே), அபிஷேக் சர்மா, சஞ்சு சாம்சன், ரின்கு சிங், ஹர்திக் பாண்டியா, ரியான் பராக், நிதிஷ் குமார் ரெட்டி, ஷிவம் துபே, வாஷிங்டன் சுந்தர், ரவி பிஷ்னோய், வருண் சக்கரவர்த்தி, ஜிதேஷ் சர்மா, அர்ஷ்தீப் சிங், ஹர்ஷித் ராணா, மயங்க் யாதவ்.
Win Big, Make Your Cricket Tales Now
