ஆர்சிபி அணியில் இணைந்த உலகின் வேகமான மனிதன்; ‘இது நம்ம லிஸ்டிலேயே இல்லையே’ என்ற ஆச்சரியத்தில் ரசிகர்கள்!

உசைன் போல்டின் இன்ஸ்டாகிராம் பதிவுக்கு விராட் கோலி, டிவில்லியர்ஸ் இருவரும் கமெண்ட் செய்துள்ளனர்.

IPL 2021: Virat Kohli, AB de Villiers react after Usain Bolt tweets in RCB jersey (Image Source: Google)

இந்தியாவின் கிரிக்கெட் திருவிழாவான 14வது சீசன் ஐ.பி.எல். தொடர் நாளை தொடங்குகிறது. சென்னையில் நடக்கும் முதல் போட்டியில் நடப்பு சாம்பியன் மும்பை இந்தியன்ஸ் அணியும், ராயல் செலஞ்சர்ஸ் பெங்களூரு அணியும் மோதுகின்றன. 

இந்நிலையில் உலகின் அதிவேக மனிதரும், 8 முறை ஒலிம்பிக் தங்கப் பதக்கம் வென்றவருமான ஜமைக்கா நாட்டை சார்ந்த உசைன் போல்ட், பெங்களூரு ராயல் சேலஞ்சர்ஸ் அணியின் ஜெர்சியை அணிந்திருக்கும் தனது புகைப்படத்தை இன்ஸ்டாகிராம் பக்கத்தில் வெளியிட்டு ஆர்சிபி ரசிகர்களை மகிழ்ச்சியில் ஆழ்த்தியுள்ளார்.

மேலும் அவர் ஆர்.சி.பி. அணியின் கேப்டன் விராட் கோலி, டி வில்லியர்ஸ் ஆகியோரையும் டேக் செய்து, ‘சேலஞ்சர்ஸ் உங்களுக்கு நான் ஒன்றை தெரியப்படுத்துக்கிறேன். நான் இன்னமும் உலகின் வேகமான மனிதனாகத் தான் சுற்றிக் கொண்டிருக்கிறேன்’ என பதிவிட்டிருந்தார். 

உசைன் போல்டின் இந்தப் பதிவுக்கு கோலி பதிவிடுகையில்,"அதில் எந்த சந்தேகமும் இல்லை, அதனால்தான் உங்களை இப்போது எங்கள் அணியில் சேர்த்துள்ளோம்" என்று குறிப்பிட்டுள்ளார். அதேபோல் டிவில்லியர்ஸ் கூறுகையில், 'சில கூடுதல் ரன்கள் தேவைப்படும்போது யாரை அழைப்பது என்பது எங்களுக்குத் தெரியும்’ எனப் பதிவிட்டுள்ளார்.

உசைன் போல்டின் இப்புகைப்படம் சமூகவலைதளங்களில் ஆர்சிபி ரசிகர்களால் வைரலாக பகிரப்பட்டுவருகிறது.

Win Big, Make Your Cricket Tales Now