ஐபிஎல் 2022: மெகா ஏலத்தில் பங்கேற்கும் தமிழக வீரர்க்ள்!

நடப்பாண்டு ஐபிஎல் தொடருக்கான வீரர்கள் மெகா ஏலத்தில் தமிழ்நாட்டைச் சேர்ந்த 30 வீரர்கள் இடம்பிடித்துள்ளனர்.

ஐபிஎல் 2022 போட்டிக்கான வீரர்கள் ஏலம் பெங்களூரில் பிப்ரவரி 12, 13 தேதிகளில் நடைபெறவுள்ளது.  இந்த வருடம் ஐபிஎல் போட்டியில் இரு அணிகள் புதிதாகச் சேர்க்கப்பட்டுள்ளன. இந்த வருடம் முதல் லக்னோ, அகமதாபாத் நகரங்களை அடிப்படையாகக் கொண்டு இரு புதிய அணிகள் இணைகின்றன. 

ஐபிஎல் ஏலத்தில் கலந்துகொள்ள 1,214 வீரர்கள் விருப்பம் தெரிவித்தார்கள். 10 அணிகளின் விருப்பத்தின் அடிப்படையில் ஏலத்தில் இடம்பெறும் வீரர்களின் இறுதிப் பட்டியலை பிசிசிஐ இன்று வெளியிட்டுள்ளது. 

அதன்படி ஐபிஎல் 2022 ஏலத்தில் 590 வீரர்கள் இடம்பெறுகிறார்கள். ஏலப் பட்டியலில் உள்ள 590 வீரர்களில் 228 சர்வதேச வீரர்களும் சர்வதேச கிரிக்கெட்டில் விளையாடாத  355 வீரர்களும் இடம்பெற்றுள்ளார்கள். ஏலப் பட்டியலில் 370 இந்திய வீரர்களும் 220 வெளிநாட்டு வீரர்களும் உள்ளார்கள்.

48 வீரர்களின் அடிப்படை விலை தலா ரூ. 2 கோடியாக உள்ளது. ரூ. 1.50 கோடி அடிப்படை விலையை 20 வீரர்களும் ரூ. 1 கோடி அடிப்படை விலையை 34 வீரர்களும் தேர்வு செய்துள்ளார்கள். 

இந்த வருட ஐபிஎல் ஏலத்தில் 30 தமிழக வீரர்கள் பங்கேற்கிறார்கள். தமிழக அணி இந்த வருட சையத் முஷ்டாக் அலி கோப்பை டி20 போட்டியை வென்றதோடு விஜய் ஹசாரே ஒருநாள் போட்டியில் 2ஆம் இடம் பிடித்தது. இதனால் இந்த வருட ஏலத்தில் தமிழக வீரர்கள் அதிக அளவில் தேர்வாக வாய்ப்புள்ளது. 

அதிலும் குறிப்பாக ஷாருக் கான், சாய் கிஷோர் போன்ற சர்வதேச கிரிக்கெட்டில் விளையாடாத தமிழக வீரர்களைத் தேர்வு செய்ய ஐபிஎல் அணிகள் மிகவும் ஆர்வம் காண்பிக்கும் என எதிர்பார்க்கப்படுகிறது. 

ஐபிஎல் 2022 ஏலத்தில் பங்கேற்கும் தமிழக வீரர்கள்

ஆர். அஸ்வின் - அடிப்படை விலை  ரூ. 2 கோடி
வாஷிங்டன் சுந்தர் - ரூ. 1.50 கோடி
தினேஷ் கார்த்திக் - ரூ. 2 கோடி
நடராஜன் - ரூ. 1 கோடி
ஷாருக் கான் - ரூ. 40 லட்சம்
சாய் கிஷோர் - ரூ. 20 லட்சம்
ஹரி நிஷாந்த் - ரூ. 20 லட்சம்
என். ஜெகதீசன் - ரூ. 20 லட்சம்
முருகன் அஸ்வின் - ரூ. 20 லட்சம்
எம். சித்தார்த் - ரூ. 20 லட்சம்
விஜய் சங்கர் - ரூ. 50 லட்சம்
பெரியசாமி - ரூ. 20 லட்சம் 
சஞ்சய் யாதவ் - ரூ. 20 லட்சம்
சந்தீப் வாரியர் - ரூ. 20 லட்சம் 
சாய் சுதர்சன் - ரூ. 20 லட்சம்
பாபா இந்திரஜித் - ரூ. லட்சம் 
பாபா அபரஜித் - ரூ. 20 லட்சம் 
அருண் கார்த்திக் - ரூ. 40 லட்சம் 
ஆர். சிலம்பரசன் - ரூ. 20 லட்சம் 
அலெக்ஸாண்டர் - ரூ. 20 லட்சம்
எஸ். கிஷன் குமார் - ரூ. 20 லட்சம்
முரளி விஜய் - ரூ. 50 லட்சம்
ஆர். விவேக் - ரூ. 20 லட்சம் 
சோனு யாதவ் - ரூ. 20 லட்சம்
அதிசயராஜ் - ரூ. 20 லட்சம் 
வி. கெளதம் - ரூ. 20 லட்சம் 
எம். முஹமது - ரூ. 20 லட்சம் 
பிரதோஷ் பால் - ரூ. 20 லட்சம்
ஜெ. கெளசிக் - ரூ. 20 லட்சம்
நிதிஷ் ராஜகோபால் - ரூ. 20 லட்சம் 

Win Big, Make Your Cricket Tales Now