ஐபிஎல் 2023: ஃபார்முக்கு திரும்பிய ராகுல்; லக்னோவை 159 ரன்களில் சுருட்டியது பஞ்சாப்!
பஞ்சாப் கிங்ஸிற்கு எதிரான ஐபிஎல் லீக் ஆட்டத்தில் முதலில் பேட்டிங் செய்த லக்னோ சூப்பர் ஜெயண்ட்ஸ் அணி 160 ரன்களை இலக்காக நிர்ணயித்துள்ளது.
இதையடுத்து களமிறங்கிய லக்னோ அணிக்கு கேப்டன் கேஎல் ராகுல் - கைல் மேயர்ஸ் இணை தொடக்கம் கொடுத்தனர். இதில் தொடக்கம் முதலே அதிரடி காட்டத்தொடங்கிய கைல் மேயர்ஸ் 3 சிக்சர், ஒரு பவுண்டரி உள்பட 29 ரன்களில் ஆட்டமிழந்து, பெரிய இன்னிங்ஸை விளையாட தவறவிட்டார். அதன்பின் களமிறங்கிய தீபக் ஹூடாவும் 2 ரன்களுக்கு விக்கெட்டை இழந்தார்.
Trending
அதன்பின் ராகுலுடன் ஜோடி சேர்ந்த குர்னால் பாண்டியாவும் சிறப்பான ஆட்டத்தை வெளிப்படுத்த அணியின் ஸ்கோரும் உயர்ந்தது. நடப்பாண்டு ஐபிஎல் தொடரில் இதுவரை பெரிதளவில் சோபிக்காமல் தவித்து வந்த கேஎல் ராகுல் இந்த இன்னிங்ஸில் தனது அரைசதத்தைப் பதிவுசெய்து கம்பேக் கொடுத்தார்.
பின் 18 ரன்களை சேர்த்திருந்த குர்னால் பாண்டியா ரபாடா பந்துவீச்சில் ஷாருக் கானின் அபாரமான கேட்ச்சின் மூலம் ஆட்டமிழக்க, அடுத்த பந்திலேயே நிக்கோலஸ் பூரனும் சிக்சர் அடிக்க முயன்று ஷாருக் கானிடன் கேட்ச் கொடுத்து ஆட்டமிழந்தார். அடுத்து களமிறங்கிய மார்கஸ் ஸ்டோய்னிஸ் முதல் பந்து முதலே அதிரடி காட்டினாலும் 15 ரன்களில் விக்கெட்டை இழந்தார்.
மறுப்பக்கம் சிறப்பான ஆட்டத்தை வெளிப்படுத்தி வந்த கேஎல் ராகுல் 8 பவுண்டரி, ஒரு சிக்சர் உள்பட 74 ரன்களில் தனது விக்கெட்டை இழந்தார். இறுதியில் லக்னோ சூப்பர் ஜெயண்ட்ஸ் அணி 20 ஓவர்கள் முடிவில் 8 விக்கெட் இழப்பிற்கு 159 ரன்களை சேர்த்தது. பஞ்சாப் அணி தரப்பில் கேப்டன் சாம் கரன் 3 விக்கெட்டுகளையும், காகிசோ ரபாடா 2 விக்கெட்டுகளையும் கைப்பற்றினர்.
Win Big, Make Your Cricket Tales Now
