IPL 2023: Arjun Tendulkar to replace Jasprit Bumrah? (Image Source: Google)
ஐபிஎல் 16ஆவது சீசனுக்கான அட்டவணை சமீபத்தில் வெளியானது. அதன்படி போட்டிகள் மார்ச் 31ஆம் தேதி தொடங்கி மே 28ஆம் தேதி முடிய உள்ளது. தொடக்க போட்டியும், இறுதிப்போட்டியும் அகமதாபாத் மைதானத்தில் நடைபெறும் எனவும் அறிவிக்கப்பட்டுள்ளது.
கரோனா காரணமாக கடந்த இரண்டு சீசன்களில் அணிகள், தங்களது ஹோம் கிரோண்டில் விளையாட முடியாத நிலை இருந்தது. இந்நிலையில், இந்தாண்டில் அனைத்து அணிகளும் தங்களது ஹோம் கிரோண்டில் விளையாடலாம் என அறிவிக்கப்பட்டுள்ளது. இது அனைத்து அணி ரசிகர்களுக்கு கூடுதல் மகிழ்ச்சியை ஏற்படுத்தும் வகையில் இருக்கிறது.
கடந்த சீசனில், மும்பை இந்தியன்ஸ் அணி 14 போட்டிகளில் 4 வெற்றிகளை மட்டும் பெற்று, முதல்முறையாக புள்ளிப் பட்டியலின் கடைசி இடத்திற்கு சென்றது. இதனால், இம்முறை அதிரடியாக செயல்பட்டு தங்களை நிரூபிக்க வேண்டிய இடத்தில் மும்பை இந்தியன்ஸ் இருக்கிறது.
