ஐபிஎல் 2023 எலிமினேட்டர்: லக்னோவுக்கு 183 ரன்களை இலக்காக நிர்ணயித்தது மும்பை!
லக்னோ சூப்பர் ஜெயண்ட்ஸுக்கு எதிரான ஐபிஎல் எலிமினேட்டர் சுற்று ஆட்டத்தில் முதலில் பேட்டிங் செய்த மும்பை இந்தியன்ஸ் அணி 183 ரன்களை இலக்காக நிர்ணயித்துள்ளது.
-mdl.jpg "IPL 2023: Cameron Green lead the way for Mumbai Indians as they reached 182/8!")
16ஆவது சீசன் ஐபிஎல் தொடர் இறுதிக்கட்டத்தை நெருங்கியுள்ளது. இதில் இன்று நடைபெற்று வரும் எலிமினேட்டர் சுற்று ஆட்டத்தில் குர்னால் பாண்டியா தலைமையிலான லக்னோ சூப்பர் ஜெயண்ட்ஸ் அணியை எதிர்த்து, ரோஹித் சர்மா தலைமையிலான மும்பை இந்தியன்ஸ் அணி பலப்பரீட்சை நடத்தி வருகிறது. இப்போட்டியில் டாஸ் வென்ற மும்பை இந்தியன்ஸ் அணி முதலில் பேட்டிங் செய்வதாக அறிவித்தது.
அதன்படி மும்பை அணியின் தொடக்க வீரர்களாக களமிறங்கிய கேப்டன் ரோஹித் சர்மா - இஷான் கிஷன் ஆகியோர் அதிரடியான தொடக்கத்தைக் கொடுக்க நினைத்தனர். ஆனால் 11 ரன்களை எடுத்திருந்த ரோஹித் சர்மா விக்கெட்டை இழக்க, அவரைத் தொடர்ந்து 15 ரன்களில் இஷான் கிஷானும் நடையைக் கட்டினார்.
இதையடுத்து ஜோடி சேர்ந்த கேமரூன் க்ரீன் - சூர்யகுமார் யாதவ் இணையும் அதிரடியாக விளையாடி பவுண்டரியும், சிக்சர்களுமாக விளாசித்தள்ளினர். தொடர்ந்து அபார ஆட்டத்தை வெளிப்படுத்திய சூர்யகுமார் யாதவ் 33 ரன்களில் ஆட்டமிழக்க, அவரைத் தொடர்ந்து அரைசதம் அடிப்பார் என எதிர்பார்க்கப்பட்ட கேமரூன் க்ரீனும் 41 ரன்களில் நவீன் உல் ஹக் பந்துவீச்சில் க்ளீன் போல்டானர்.
அவரைத்தொடர்ந்து அதிரடி வீரர் டிம் டேவிட்டும் 13 ரன்களில் நடையைக் கட்டினார். அதன்பின் திலக் வர்மாவுடன் இணைந்து நேஹல் வதேராவும் அதிரடி காட்டினார். ஆனால் 26 ரன்களை எடுத்திருந்த திலக் வர்மாவும் நவீன் உல் ஹக் பந்துவீச்சில் விக்கெட்டை இழக்க, அடுத்து வந்த ஜோர்டனும் 4 ரன்களில் ஆட்டமிழந்தார்.
இறுதியில் நேஹல் வதேரா தனது பங்கிற்கு 23 ரன்களைச் சேர்த்து இன்னிங்ஸின் கடைசி பந்தில் ஆட்டமிழந்தார். இதன்மூலம் 20 ஓவர்கள் முடிவில் மும்பை இந்தியன்ஸ் அணி 8 விக்கெட்டுகளை இழந்து 182 ரன்களை எடுத்தது. லக்னோ அணி தரப்பில் நவீன் உல் ஹக் 4 விக்கெட்டுகளையும், யாஷ் தாக்கூர் 3 விக்கெட்டுகளையும் கைப்பற்றினர்.
Win Big, Make Your Cricket Tales Now
