ஐபிஎல் 2023: குஜராத் பந்துவீச்சாளர்களை துவம்சம் செய்த குர்பாஸ்! கடின இலக்கை நிர்ணயித்தது கேகேஆர்!
குஜராத் டைட்டன்ஸுக்கு எதிரான ஐபிஎல் லீக் ஆட்டத்தில் முதலில் பேட்டிங் செய்த கேகேஆர் அணி 180 ரன்களை இலக்காக நிர்ணயித்துள்ளது.
அதன்படி கொல்கத்தா நைட் ரைடர்ஸ் அணியின் தொடக்க வீரர்களாக ரஹ்மனுல்லா குர்பாஸ் - ஜெகதீசன் இணை களமிறங்கினர். இதில் அதிரடியான ஆட்டத்தை வெளிப்படுத்தி வந்த நாராயன் ஜெகதீசன் 19 ரன்களைச் சேர்த்திருந்த நிலையில் ஆட்டமிழக்க, அடுத்து களமிறங்கிய ஷர்தூல் தாக்கூர் ரன்கள் ஏதுமின்றி விக்கெட்டை இழந்து ஏமாற்றமளித்தார்.
Trending
ஒருபக்கம் விக்கெட்டுகள் வீழ்ந்தாலும், மறுமுனையில் அபாரமான ஆட்டத்தை வெளிப்படுத்தி வந்த ரஹ்மனுல்லா குர்பாஸ் 26 பந்துகளில் தனது அரைசதத்தைப் பதிவுசெய்து அசத்தினார். அதேசமயம் மறுமுனையில் வெங்கடேஷ் ஐயர் 11 ரன்களிலும், கேப்டன் நிதீஷ் ராணா 4 ரன்களிலும் என அடுத்தடுத்து ஜூசுவ லிட்டில் பந்துவீச்சில் விக்கெட்டை இழக்க, 39 பந்துகளில் 5 பவுண்டரி, 7 சிக்சர்களை விளாசிய ரஹ்மனுல்லா குர்பாஸ் 81 ரன்களுக்கு ஆட்டமிழந்தார்.
அவரைத் தொடர்ந்து அதிரடியாக விளையாட முயற்சித்த ரிங்கு சிங் 19 ரன்களில் ஆட்டமிழந்து பெவிலியன் திரும்பினார். இதனையடுத்து ஜோடி சேர்ந்த ஆண்ட்ரே ரஸல் - டேவிட் வைஸ் இணை அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் ஆண்ட்ரே ரஸல் 34 ரன்களை விளாசினார்.
இதன்மூலம் நிர்னயிக்கப்பட்ட 20 ஓவர்கள் முடிவில் கேகேஆர் அணி 7 விக்கெட் இழப்பிற்கு 179 ரன்களைச் சேர்த்தது. ஆஃப்கானிஸ்தான் அணி தரப்பில் நூர் அஹ்மத், ஜோஷுவா லிட்டில், முகமது ஷமி ஆகியோர் தலா 2 விக்கெட்டுகளைக் கைப்பற்றினர்.
Win Big, Make Your Cricket Tales Now
