கலீல் அஹ்மதை வெளுத்து வாங்கிய எம்எஸ் தோனி; வைரல் காணொளி!

டெல்லி கேப்பிட்டல்ஸ் அணி தரப்பில் 19ஆவது ஓவரை வீசிய கலீல் அஹ்மத் ஓவரில் சிஎஸ்கே கேப்டன் எம் எஸ் தோனி அடித்த சிக்சர்கள் குறித்த காணொளி இணையத்தில் வைரலாகி வருகிறது.

IPL 2023: Ms Dhoni Hit Two Sixes In Khaleel Ahmeds Over Watch Video! (Image Source: Google)

ஐபிஎல் தொடரின் இன்றைய லீக் ஆட்டம் சென்னை சேப்பாக்கம் மைதானத்தில் சிஎஸ்கே மற்றும் டெல்லி அணிகள் மோதும் போட்டி நடைபெற்று வருகிறது. இந்த போட்டியில் டாஸ் வென்ற மகேந்திர சிங் தோனி முதலில் பேட்டிங்கை தேர்வு செய்தார். அதன்படி களமிறங்கிய சிஎஸ்கே அணியின் தொடக்க வீரர்கள் ருத்ராஜ் 24, மற்றும் கான்வே 10 ரன் என வெளியேறினார்கள்.

அடுத்து வந்த ரகானே 21, மொயின் 7, சிவம் துபே 25, அம்பதி ராயுடு 23, ரவீந்திர ஜடேஜா 21 ரன்களில் வெளியேறினார்கள். தீபக் சகர் ஒரு ரன்னில் ஆட்டம் இழக்காமல் இருந்தார். துஷார் தேஷ் பாண்டே ஆட்டம் இழக்காமல் ரன் எடுக்காமல் இருந்தார். அதன்பின் களமிறங்கிய சிஎஸ்கே அணியின் கேப்டன் மகேந்திர சிங் தோனி தனது வழக்கமான ஆட்டத்தை இன்றைய போட்டியிலும் வெளிப்படுத்தி ரசிகர்களை மகிழ்ச்சிப்படுத்தினார். 

 

#MSDhoni is out to collect a ton of #Yellove for his explosive batting #CSKvDC #ThalaDhoni #IPLonJioCinema #IPL2023 #TATAIPL #WhistlePodu |@ChennaiIPL @msdhoni pic.twitter.com/z9nAtWduku

— JioCinema (@JioCinema) May 10, 2023

ஆட்டத்தின் 19 ஆவது ஓவரை கலீல் வீச அந்த ஓவரின் மூன்றாவது பந்தில் சிக்சர், அடுத்து ஒரு பவுண்டரி, அடுத்து இரண்டு ரன், அடுத்து சிக்ஸர் என அசத்தினார். இந்த ஓவரில் அவர் எடுத்த 20 ரன்கள்தான் சென்னை அணி இந்த ஆடுகளத்தில் வெற்றி பெறுவதற்கான ஒரு வித்தியாசத்தை கொடுத்தது. இதன்மூலம் 20 ஓவர்கள் முடிவில் சிஎஸ்கே அணி 167 ரன்களைச் சேர்த்தது.