ஒரே போட்டியில் மூன்று சாதனைகளைப் படைத்த எம் எஸ் தோனி!
ஐபிஎல் தொடரில் 200 சிக்சர்களை அடித்த வீரர்கள் பட்டியளில் சிஎஸ்கே கேப்டன் எம் எஸ் தோனி இடம்பிடித்து அசத்தியுள்ளார்.
நேற்று கூட சிஎஸ்கே அணி தடுமாறிய போது கடைசி கட்டத்தில் 7 பந்துகளை எதிர் கொண்ட தோனி 14 ரன்கள் அடித்தார். இதில் ஒரு பவுண்டரியும், ஒரு சிக்ஸரும் அடங்கும். இதன் மூலம் சென்னை சூப்பர் கிங்ஸ் அணி 20 ஓவர் முடிவில் 178 ரன்கள் என்ற கவுரவமான இலக்கு எட்டியது.
Trending
இந்த நிலையில் நேற்று ஆட்டத்தில் மட்டும் தோனி மூன்று மைல்கல்லை எட்டிருக்கிறார். அதாவது சிஎஸ்கே அணிக்காக அதிக சிக்ஸர்கள் அடித்த வீரர் என்று பெருமையை பெற்றது மட்டுமல்லாமல் 200 சிக்சர்களை சிஎஸ்கே அணிக்காக தோனி அடித்து இந்த மைல் கல்லை எட்டிய முதல் வீரர் என்ற பெருமையை பெற்றுள்ளார்.
இதேபோன்று ஐபிஎல் தொடரில் 20ஆவது ஓவரில் மட்டும் அதிக சிக்ஸர்கள் விளாசிய வீரர் என்ற பெருமையை தோனி பெற்றிருக்கிறார். 20ஆவது ஓவர்களில் மட்டும் தோனி இதுவரை 53 சிக்சர்களை அடித்திருக்கிறார். இவருக்கு அடுத்த படியாக பொலார்ட் 33 சிக்ஸர்கள் அடித்திருக்கிறார். இதேபோன்று ஐபிஎல் போட்டிகளில் கடைசி ஓவரில் 10 ரன்களுக்கு மேல் அடித்த வீரர்கள் பட்டியலில் தோனி முதலிடத்தில் இருக்கிறார்.
தோனி 30 முறை கடைசி ஓவர்களில் 10 ரன்களுக்கு மேல் அளித்திருக்கிறார். இவருக்கு அடுத்தபட்சமாக பொல்லார்ட் 18 முறையும், பாண்டியா 13 முறையும், ரோஹித் சர்மா, ரவீந்திர ஜடேஜா, டேவிட் மில்லர், தினேஷ் கார்த்திக் ஆகியோர் தலா ஒன்பது முறையும் அடித்திருக்கிறார்கள்.
இதேபோன்று ருத்ராஜ் கெய்க்வாட்டும் இரண்டு மைல்கல்லை எட்டி இருக்கிறார். சிஎஸ்கே அணிக்காக அதிக முறை 70 ரன்கள் அடித்த வீரர்கள் பட்டியலில் ருத்ராஜ் இரண்டாவது இடத்தை பிடித்துள்ளார். முதல் இடத்தில் ரெய்னா 10 முறைக்கு மேல் 70 அடித்திருக்கிறார் ருத்ராஜ் மூன்று சீசர்களின் விளையாடி எட்டு முறை அடித்திருக்கிறார். ஐபிஎல் சீசனில் தொடக்க ஆட்டத்தில் அதிக ரன்கள் அடித்த வீரர்கள் பட்டியலில் ருத்ராஜ் மூன்றாம் இடத்தில் உள்ளார்.
Win Big, Make Your Cricket Tales Now
