ஐபிஎல் 2023: சிஎஸ்கேவில் இணைந்தார் மகாலா!

நடைபெற்று வரும் ஐபிஎல் தொடரில் தென் ஆப்பிரிக்கா வேகப்பந்து வீச்சாலர் சிசாண்டா மகாலா சிஎஸ்கே அணியுடன் இணைந்து பயிற்சியைத் தொடங்கியுள்ளார்.

IPL 2023: Sisanda Magala has joined CSK! (Image Source: Google)

ஐபிஎல் 16ஆவது சீசனில் சென்னை சூப்பர் கிங்ஸ் அணி விளையாடிய இரண்டு போட்டிகளில் ஒரு வெற்றி மற்றும் ஒரு தோல்வியை தழுவி இருக்கிறது. சிஎஸ்கே அணியின் பேட்டிங் பலமாக காணப்படுகிறது. இதேபோன்று மோயின் அலியும் சிவம் துபேவும் பேட்டிங்கில் கூடுதல் பலத்தை சேர்க்கிறார்கள்.

ஜடேஜா மற்றும் பென் ஸ்டோக்ஸ் இன்னும் தாக்கத்தை ஏற்படுத்தவில்லை, என்றாலும் இது நெடுந்தொடர் என்பதால் அவர்கள் ஃபார்முக்கு வர நிறைய வாய்ப்பு இருக்கிறது. ஆனால் சிஎஸ்கே அணியின் பெரிய பிரச்சனையாக இருப்பது வேகப்பந்துவீச்சு தான். வெளிநாட்டில் இருந்து பந்துவீச்சாளர் பெரிய அளவில் யாரும் இல்லை.

இதனால் சிஎஸ்கே பந்து வீச்சில் அதிக ரன்களை விட்டுக் கொடுத்து வருகிறது. இதனை தீர்க்க வேண்டும் என்றால் வெளிநாட்டு வேகப்பந்துவீச்சாளர்கள் வருவதுதான் ஒரே வழி என்று கிரிக்கெட் விமர்சகர்களும் கருத்துக்கூறி வந்தனர். இந்த நிலையில் அனைவரும் எதிர்பார்த்த செய்தி ஒன்று கிடைத்துள்ளது.

தென் ஆப்பிரிக்காவின் வேகப்பந்துவீச்சாளர் சிசாண்டா மகாலா இந்தியா திரும்பி உள்ளார். மகாலா ரன்களை கொஞ்சம் விட்டுக் கொடுத்தாலும், விக்கெட்டுகளை வீழ்த்துவதில் வல்லவர். இதேபோன்று பேட்டிங்கிலும் அதிரடியாக விளையாடக் கூடியவர். சிசாண்டா மகாலா கடைசியாக விளையாடிய எதிரான ஒரு நாள் போட்டியில் ஐந்து விக்கெட்டுகளை கைப்பற்றி அசத்தினார்.

கடைசியாக விளையாடிய நான்கு சர்வதேச போட்டிகளில் சிசான்டா மகாலா 11 விக்கெட்டுகளை கைப்பற்றி அசத்தியுள்ளார். நடந்து முடிந்த தென் ஆப்பிரிக்கா டி20 லீக் தொடரிலும் அதிக விக்கெட் வீழ்த்தியவர்கள் பட்டியலில் ஐந்தாவது இடத்தை பிடித்துள்ளார். சிசாண்டா மகாலாவின் வருகை சென்னை அணியின் பலத்தை கூட்டி இருக்கிறது.

நேற்று மும்பை வந்துள்ள மகாலா தற்போது பயிற்சியில் ஈடுபட்டு வருகிறார். இதனால் வரும் சனிக்கிழமை மும்பையில் நடைபெறும் முக்கிய ஆட்டத்தில் மகாலா பங்கேற்பார் என எதிர்பார்க்கப்படுகிறது. இதனால் நியூசிலாந்து அணியின் மிட்செல் சாண்டனர் தனது இடத்தை தியாகம் செய்ய நேரிடும் என எதிர்பார்க்கப்படுகிறது.

Win Big, Make Your Cricket Tales Now