Sisanda magala
Image Source: Google
உலகக்கோப்பை தொடரில் தென் ஆப்பிரிக்காவுக்கு பின்னடைவு; இரு நட்சத்திர வீரர்கள் விலகல்!
ஒருநாள் கிரிக்கெட் உலகக் கோப்பை தொடர் துவங்குவதற்கு வெகு சில நாட்களை இருக்கும் நிலையில், வீரர்களின் காயம் சில அணிகளுக்கு பெரிய பின்னடைவுகளை உருவாக்கிக் கொண்டிருக்கிறது. சில நாட்களுக்கு முன்பு தென் ஆப்பிரிக்கா மற்றும் ஆஸ்திரேலிய அணிகளுக்கு இடையே நடைபெற்ற ஒருநாள் கிரிக்கெட் போட்டியில், ஆஸ்திரேலியா அணி பெரிதும் நம்பி இருந்த தொடக்க வீரர் டிராவிஸ் ஹெட் விரல் உடைந்து வெளியேறினார்.
எப்பொழுதுமே உலகக் கோப்பைத் தொடர் நெருங்கும் பொழுது இப்படியான திடீர் காயங்களால் கிரிக்கெட் ரசிகர்கள் சில அபாயகரமான நட்சத்திர கிரிக்கெட் வீரர்களை தவறவிடுவார்கள். இது உலகக்கோப்பையின் சுவாரசியத்தை குறைப்பதாகவே அமையும். இது ஒருபுறம் இருக்க உலகக் கோப்பை தொடர் என்றாலே தென் ஆப்பிரிக்க அணிக்கு துரதிஷ்டம் தொடர்ந்து வரக்கூடிய ஒரு விஷயமாகவே இதுவரையில் வந்திருக்கிறது.
