யாரேனும் ஒருவர் நிலைத்து நிற்க வேண்டியது அவசியம் - பாட் கம்மின்ஸ்!
ஹென்ரிச் கிளாசென், அபினவ் மனோகர் ஆகியோர் எங்களுக்கு ஒரு நல்ல ஸ்கோரை எட்ட உதவினர் என்று சன்ரைசர்ஸ் ஹைதராபாத் அணி கேப்டன் பாட் கம்மின்ஸ் தெரிவித்துள்ளார்.
இதையடுத்து களமிறங்கிய சன்ரைசர்ஸ் அணியில் டாப் ஆர்டர் வீரர்கள் அடுத்தடுத்து சொற்ப ரன்களுக்கு ஆட்டமிழந்து ஏமாற்றமளித்தனர். பின்னர் அதிரடியாக விளையாடிய ஹென்ரிச் கிளாசென் 71 ரன்களையும், அபினவ் மனோகர் 43 ரன்களையும் சேர்த்ததை தவிர்த்து மற்ற வீரர்கள் சோபிக்க தவறியதால், அந்த அணி 20 ஓவர்கள் முடிவில் 8 விக்கெட்டுகளை இழந்து 143 ரன்களை மட்டுமே சேர்த்தது. மும்பை அணி தரப்பில் டிரென்ட் போல்ட் 4 விக்கெட்டுகளை கைப்பற்றி அசத்தினார்.
Also Read
அதன்பின் இலக்கை நோக்கி விளையாடிய மும்பை இந்தியன்ஸ் அணியில் ரிக்கெல்டன் 11 ரன்னிலும், ஜேக்ஸ் 22 ரன்னிலும் ஆட்டமிழந்து ஏமாற்றமளித்தனர். அதேசமயம் அனுபவ வீரர்கள் ரோஹித் சர்மா 70 ரன்களையும், சூர்யகுமார் யாதவ் 40 ரன்களையும் சேர்த்து அணிக்கு வெற்றியைத் தேடித்தந்தனர். இதன்மூலம் மும்பை இந்தியன்ஸ் அணியானது 15.4 ஓவர்களிலேயே இலக்கை எட்டியதுடன் 7 விக்கெட் வித்தியாசத்தில் சன்ரைசர்ஸ் ஹைதராபாத் அணியை வீழ்த்தி அபார வெற்றியைப் பதிவுசெய்தது.
இந்நிலையில் இந்த தோல்வி குறித்து பேசிய கம்மின்ஸ், “ஹென்ரிச் கிளாசென், அபினவ் மனோகர் ஆகியோர் எங்களுக்கு ஒரு நல்ல ஸ்கோரை எட்ட உதவினர். ஆனால் எங்களால் அதனை பாதுகாக்க முடியவில்லை. நீங்கள் தொடர்ந்து விக்கெட்டுகளை இழக்கும் போது அதிலிருந்து மீள்வதற்கு யாரேனும் ஒருவ்ர் நிலைத்து இருக்க வேண்டியது அவசியம். நீங்கள் இங்கே உங்கள் இன்னிங்ஸை உருவாக்க வேண்டும், நீங்கள் சில பந்துகளை எதிர்கொண்டால் உங்களால் ரன்களைச் சேர்க்க முடியும்.
Also Read: LIVE Cricket Score
மேலும் எங்கள் முதல் ஆட்டத்தில் நாங்கள் 280 ரன்கள் எடுத்ததற்கும் பின்னர் அதே மேற்பரப்பில் நாங்கள் சொற்ப ரன்களில் சுருட்டப்பட்டதற்கும் வித்தியாசம் உள்ளது. உங்களுடைய நாளில் நீங்கள் சிறப்பாக செயல்படுவது அவசியம். இப்போது நாங்கள் சில அவே போட்டிகளில் விளையாடவுள்ளோம். அதில் நாங்கள் சிறப்பாக செயல்பட்டு மீண்டும் வெற்றி பாதைக்கு திரும்புவோம் என நம்புகிறேன்” என்று தெரிவித்துள்ளார்.
Win Big, Make Your Cricket Tales Now
