விராட் கோலிக்கு எதிராக சிறப்பாக விளையாட விரும்புகிறேன் - வருண் சக்ரவர்த்தி!

நான் உள்நாட்டு கிரிக்கெட் விளையாடும் போதெல்லாம், புதிய பந்து வீச்சில் கவனம் செலுத்த முயற்சிக்கிறேன் என்று கேகேஆர் அணி வீரர் வருண் சக்ரவர்த்தி தெரிவித்துள்ளார்.

விராட் கோலிக்கு எதிராக சிறப்பாக விளையாட விரும்புகிறேன் - வருண் சக்ரவர்த்தி! (Image Source: Google)

ஐபிஎல் தொடரின் 18ஆவது சீசன் இன்று முதல் தொடங்கவுள்ள நிலையில், முதல் லீக் போட்டியில் நடப்பு சாம்பியனான அஜிங்கியா ரஹானே தலைமையிலான கொல்கத்தா நைட் ரைடர்ஸ் அணியை எதிர்த்து, ராஜத் பட்டிதார் தலைமையிலான ராயல் சேலஞ்சர்ஸ் பெங்களூரு அணியானது பலப்பரீட்சை நடத்தவுள்ளது.

இவ்விரு அணிகளுக்கும் இடையேயான இப்போட்டி கொல்கத்தாவில் உள்ள ஈடன் கார்டன்ஸ் கிரிக்கெட் மைதானத்தில் நடைபெறவுள்ளது. இரு அணிகளிலும் நட்சத்திர பட்டாளங்கள் இடம்பிடித்துள்ளதன் காரணமாக, இப்போட்டியில் வெற்றிபெற்று தொடரை வெற்றியுடன் தொடங்கும் அணி எது என்ற எதிர்பார்ப்புகள் அதிகரித்துள்ளன. இதற்காக இரு அணி வீரர்களும் தீவிரமாக தயாராகியும் வருகின்றனர்.

இந்நிலையில் இப்போட்டிக்கு முன்னதாக பேசிய கேகேஆர் அணியின் நட்சத்திர வீரர் வருண் சக்ரவர்த்தி, “தன்னம்பிக்கை மிகவும் முக்கியமானது, ஆனால் ஒவ்வொரு புதிய போட்டியின் போதும், உங்களுடைய கடைசி போட்டியை மனதில் வைத்து, நீங்கள் புதிதாக தொடங்க வேண்டும். ஐபிஎல் ஒரு வித்தியாசமான விளையாட்டு, அது ஒரு வித்தியாசமான மிருகம். என் வழியில் என்ன வரப்போகிறது என்பது எனக்கு நன்றாகவே தெரியும்.

நான் உள்நாட்டு கிரிக்கெட் விளையாடும் போதெல்லாம், புதிய பந்து வீச்சில் கவனம் செலுத்த முயற்சிக்கிறேன். ஆனால் பந்து மூன்று வழிகளில் மட்டுமே செல்ல முடியும் - அது இடது, வலது அல்லது நேராக செல்லும். நான் இப்போது ஆஃப்-ஸ்பின் அல்லது லெக்-ஸ்பின் செய்யப் போகிறேனா என்பது நான் எப்படி வரிசை முறையைத் தேர்வு செய்யப் போகிறேன் என்பதைப் பொறுத்தது. அது ஆட்டத்தின் சூழலை பொறுத்தது, அதில் தான் நான் மேம்படுத்த முயற்சிக்கிறேன்.

புதிய ஊழியர்களுடன் நான் நடத்திய உரையாடல்களின் அடிப்படையில், இது மிகவும் அருமையாக இருந்தது. நாங்கள் அனைவரும் இத்தொடரை எதிர்கொள்வதற்கு ஆர்வமாக உள்ளோம். விராட் கோலியை எதிர்த்து விளையாட வருவதில் நான் மிகவும் மகிழ்ச்சியடைகிறேன். நிச்சயமாக, அவர் எனக்கு எதிராக நன்றாக பேட்டிங் செய்தார், அதனால் நான் அவருக்கு எதிராகவும் சிறப்பாக விளையாட விரும்புகிறேன்” என்று தெரிவித்துள்ளார்.