புஜ்ஜி பாபு கோப்பை 2024: விக்கெட் கீப்பிங்கில் அசத்திய இஷான் கிஷன்!
புஜ்ஜி பாபு கிரிக்கெட் தொடரில் ஜார்கண்ட் அணியை வழிநடத்திவரும் இஷான் கிஷான் விக்கெட் கீப்பிங்கில் சிறப்பாக செயல்பட்ட காணொளி இணையத்தில் வைரலாகி வருகிறது.
இந்திய கிரிக்கெட் அணியின் ஒப்பந்தத்தில் இருந்து அதிரடியாக வெளியேற்றப்பட்ட நட்சத்திர வீரர் இஷான் கிஷான் கிரிக்கெட்டில் மீண்டும் கம்பேக் கொடுப்பதற்காக கடுமையாக போராடி வருகிறார். இதன் காரணமாக 26 வயதான இஷான் கிஷான் தற்போது தமிழ்நாட்டில் நடைபெற்று வரும் உள்நாட்டு கிரிக்கெட் தொடரான புஜ்ஜி பாபு தொடரில் ஜார்கண்ட் அணிகாக விளையாடிவருகிறது.
அதன்படி நேற்று நடைபெற்ற மத்திய பிரதேச அணிக்கு எதிரான போட்டியில் முதலில் பந்துவீசிய ஜார்கண்ட் அணியானது சிறப்பான பந்துவீச்சை வெளிப்படுத்தி எதிரணி பேட்டர்களை தடுமாறவைத்தனர். இதன் காரணமாக முதல்நாள் ஆட்டநேர முடிவில் மத்திய பிரதேச அணியானது 225 ரன்களுக்கு 8 விக்கெட்டுகளை இழந்திருந்தது. அந்த அணியில் அதிகபட்சமாக குஷ்வாஹா 84 ரன்களயும், அர்ஹாம் அகில் 57 ரன்களையும் சேர்த்தனர்.
Trending
ஜார்கண்ட் அணி தரப்பில் விவேகனந்த் திவாரி மற்றும் ஆதித்யா சிங் ஆகியோர் தலா 2 விக்கெட்டுகளை கைப்பற்றி அசத்தினர். இந்நிலையில் இப்போட்டியில் ஜார்கண்ட் அணி கேப்டன் இஷான் கிஷன் தனது விக்கெட் கீப்பிங் திறமையை வெளிப்படுத்தி அசத்தினார். அதிலும் அவர் ஸ்டம்புகளுக்குப் பின்னால் விக்கெட் கீப்பிங் செய்து ரசிகர்களை மீண்டும் மெய்சிலிர்க்க வைத்துள்ளார்.
Our kaptaan sahab took 3 superb catches today & JK bowlers conceeded only 225 runs in 90 overs with 8 wickets#BuchiBabuTournament pic.twitter.com/kdXLvhuT1k
— RS (@vividrs18) August 15, 2024
அதன்படி, இப்போட்டியில் இஷான் கிஷன் விக்கெட் கீப்பிங்கில் அபாரமாக செயல்பட்டதுடன், அடுத்தடுத்த கேட்சுகளை பிடித்து ரசிகர்களை மீண்டும் உற்சாகத்தில் ஆழ்த்தியுள்ளார். அதன்படி, சுபம், குஷ்வாஹா மற்றும் ராம்வீர் உள்ளிட்ட பேட்டர்கள் இஷான் கிஷானிடம் கேட்ச் கொடுத்து தங்கள் விக்கெட்டுகளை இழந்தனர். இந்நிலையில் இஷான் கிஷன் விக்கெட் கீப்பிங்கில் சிறப்பாக செயல்பட்ட காணொளி இணையத்தில் வைரலாகி வருகிறது.
Also Read: Akram ‘hopes’ Indian Team Will Travel To Pakistan For 2025 Champions Trophy
மேற்கொண்டு இஷான் கிஷானுக்கு இந்த போட்டி மிகவும் முக்கியமானதாக பார்க்கப்படுகிறது. ஏனெனில் இந்த போட்டியில் அவர் பேட்டிங் மற்றும் விக்கெட் கீப்பிங்கில் சிறப்பாக செயல்பட்டால், எதிர்வரும் வங்கதேச டெஸ்ட் தொடரில் கூட இடம் கிடைக்க வாய்ப்புள்ளது. இந்திய அணிக்காக கடந்தாண்டு தென் ஆப்பிரிக்க அணிக்கு எதிரான டெஸ்ட் தொடரில் தேர்வு செய்யப்பட்ட இஷான் கிஷன் அதன்பின் அணியில் இருந்து விலகினார் என்பது குறிப்பிடத்தக்கது.
Win Big, Make Your Cricket Tales Now
