ஐசிசி மாதாந்திர விருதுகள் - ஜடேஜா, ஹாரி ப்ரூக், வோல்வார்ட் பெயர்கள் பரிந்துரை!
பிப்ரவரி மாதத்தின் சிறந்த வீரருக்கான பரிந்துரைப்பட்டியளில் இந்திய அணியின் நட்சத்திர ஆல் ரவுண்டர் ரவீந்திர ஜடேஜா இடம்பிடித்துள்ளார்.
இந்நிலையில், பிப்ரவரி மாதத்திற்கான சிறந்த வீரர் யார் என்பதை அடையாளம் காண்பதற்காக 3 வீரர்கள் பெயரை ஐசிசி அறிவித்துள்ளது. இந்தப் பட்டியலில் இந்திய அணியிலிருந்து ரவீந்திர ஜடேஜா பரிந்துரைக்கப்பட்டுள்ளார்.
Trending
ஆஸ்திரேலியாவுக்கு எதிரான டெஸ்ட் தொடரில் சிறப்பாகப் பந்துவீசி வருகிறார் ஆல்ரவுண்டர் ஜடேஜா. 3 டெஸ்டுகளில் 21 விக்கெட்டுகள் எடுத்து இத்தொடரில் அதிக விக்கெட்டுகள் எடுத்த வீரர்களில் முதலிடத்தில் உள்ளார்.
மேலும் இங்கிலாந்து பேட்டர் ஹாரி புரூக் மற்றும் வெஸ்ட் இண்டிஸ் வீரர் மோட்டீ ஆகியோரும் இந்த விருதுக்குப் பரிந்துரைக்கப்பட்டுள்ளார்கள். கடந்த டிசம்பர் மாதம், சிறந்த வீரராக புரூக் தேர்வானார். சமீபத்தில், நியூசிலாந்துக்கு எதிரான டெஸ்ட் தொடரில் இரு டெஸ்டுகளில் 329 ரன்கள் எடுத்தார் புரூக்.
அதேபோல் மகளிருக்கான சிறந்த வீராங்கனை பட்டியளில் ஆஸ்திரேலியாவின் ஆஷ்லே கார்ட்னர், இங்கிலாந்தின் நாடலி ஸ்கைவர், தென் ஆப்பிரிக்காவில் லாரா வோல்வார்ட் ஆகியோரது பெயர்கள் பரிந்துரைக்கப்பட்டுள்ளது. சமீபத்தில் நடைபெற்று முடிந்த மகளிர் டி20 உலகக்கோப்பை தொடரில் சிறப்பான ஆட்டத்தை வெளிப்படுத்தியதன் காரணமாக இவர்கள் பரிந்துரை செய்யப்பட்டுள்ளனர்.
Win Big, Make Your Cricket Tales Now
