இங்கிலாந்து அணி நியூசிலாந்தில் சுற்றுப்பயணம் செய்து இரண்டு போட்டிகளைக் கொண்ட டெஸ்ட் தொடரில் விளையாடி வருகிறது . இரு அணிகளுக்கும் இடையேயான முதலாவது டெஸ்ட் போட்டி நேற்று தொடங்கியது. பகல் இரவு ஆட்டமாக நடைபெறும் இந்த போட்டியில் முதலில் விளையாடிய இங்கிலாந்து அணி 325 ரன்களுக்கு 9 விக்கெட்டுகளை இழந்து டிக்ளேர் செய்தது .
அந்த அணியின் ஹாரி ப்ரூக்ஸ் சிறப்பாக ஆடி 89 ரன்களையும் பென் டக்கெட் 84 ரன்களையும் எடுத்தனர் . இதனைத் தொடர்ந்து ஆடிய நியூசிலாந்து அணி நேற்று ஆட்ட நேர முடிவில் 37 ரன்களுக்கு மூன்று விக்கெட்டுகளை இழந்திருந்தது . இன்று தொடர்ந்து ஆடிய அந்த அணி 306 ரன்களுக்கு ஆல் அவுட் ஆனது .
அந்த அணியின் விக்கெட் கீப்பர் பேட்ஸ்மேன் டாம் பிளண்டல் அபாரமாக ஆடி 138 ரன்களை எடுத்தார். இதில் 19 பவுண்டரிகளும் ஒரு சிக்ஸரும் அடக்கம் . இங்கிலாந்து அணியின் பந்துவீச்சில் ராபின்சன் நான்கு விக்கெட்டுகளையும் ஆண்டர்சன் மூன்று விக்கெட்டுகளையும் வீழ்த்தினர் . ஜாக் லீச, பென் ஸ்டோக்ஸ் மற்றும் ஸ்டூவர்ட் பிராட் ஆகியோர் தலா ஒரு விக்கெட்டை வீழ்த்தினர் .
