பிபிஎல் 2024-25: ஃபின் ஆலனிற்கு மான்கட் எச்சரிக்கை கொடுத்த ஓவர்டன்; வைரலாகும் காணொளி!

அடிலெய்டு ஸ்ட்ரைக்கர்ஸின் ஜேமி ஓவர்டன் மற்றும் பெர்த் ஸ்கார்ச்சர்ஸின் ஃபின் ஆலன் இடையே மான்கட் சம்பவம் தொடர்பாக ஏற்பட்ட மோதல் குறித்த காணொளி இணையத்தில் வைரலாகி வருகிறது.

பிபிஎல் 2024-25: ஃபின் ஆலனிற்கு மான்கட் எச்சரிக்கை கொடுத்த ஓவர்டன்; வைரலாகும் காணொளி! (Image Source: Google)

பிக் பேஷ் லீக் தொடரின் 14ஆவது சீசன் விறுவிறுப்பாக நடைபெற்று வரும் நிலையில் நேற்று நடைபெற்ற 17ஆவது லீக் ஆட்டத்தில் அடிலெய்ட் ஸ்டிரைக்கர்ஸ் மற்றும் பெர்த் ஸ்கார்ச்சர்ஸ் அணிகள் பலப்பரீட்சை நடத்தின. இதில் டாஸை இழந்து முதலில் பேட்டிங் செய்த அடிலெய்ட் ஸ்டிரைக்கர்ஸ் அணி பிரெண்டன் டக்கெட்டின் இறுதிநேர அதிரடியின் காரணமாக 20 ஓவர்கள் முடிவில் 8 விக்கெட்டுகள் இழப்பிற்கு 248 ரன்களைச் சேர்த்தது.

அதன்பின் இலக்கை நோக்கி விளையாடிய பெர்த் ஸ்கார்ச்சர்ஸ் அணியின் பின் ஆலன் 50 ரன்களையும், கூப்பர் கன்னொலி 48 ரன்களையும், கேப்டன் ஆஷ்டன் டர்னர் 35 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன்மூலம் பெர்த் ஸ்கார்ச்சர்ஸ் அணி 14.3 ஓவர்களிலேயே இலக்கை எட்டியதுடன் 7 விக்கெட் வித்தியாசத்தில் அடிலெய்ட் ஸ்டிரைக்கர்ஸை வீழ்த்தி வெற்றிபெற்று அசத்தியது. 

இந்நிலையில் இப்போட்டியின் போது அடிலெய்டு ஸ்ட்ரைக்கர்ஸின் ஜேமி ஓவர்டன் மற்றும் பெர்த் ஸ்கார்ச்சர்ஸின் ஃபின் ஆலன் இடையே காரசாரமான விவாதம் நடைபெற்றதன் காரணமாக களத்தில் சற்று பரபரப்பு தொற்றிக்கொண்டது. அதன்படி இன்னிங்ஸின் 8ஆவது ஓவரை ஜேமி ஓவர்டன் வீசிய நிலையில் அந்த ஓவரின் ஐந்தாவது பந்தை வீசுவதற்கு முன்பு நான்-ஸ்ட்ரைக்கரில் இருந்த ஃபின் ஆலன் கிரீஸை விட்டு வெளியேற முயற்சித்தார். 

இதனை சூதாரித்த ஓவர்டன் மான்கட் முறையில் ரன் அவுட் செய்வதற்காக ஸ்டம்பை அடித்தார். ஆனாலும் அவர் விக்கெட்டிற்கு மேல்முறையிடு செய்யாமல் எச்சரிக்கையை மாட்டும் கொடுத்தார். இதனால் இருவருக்கும் இடையே கடும் வாக்குவாதம் ஏற்பட்டது. அதன்பின், அந்த ஓவரின் கடைசி பந்தில் ஃபின் ஆலன் ஸ்ட்ரைக் வந்தபோது, ​​ஓவர்டன் வீசிய அந்த பந்தை சிக்ஸர் அடித்ததன் காரணமாக இருவருக்கும் இடையேயான வாக்குவாதம் அதிகரித்தது. 

 

How about that

We've nearly just had a mankad! This Jamie Overton and Finn Allen battle is spicy. #BBL14 pic.twitter.com/KPboRwjIMg

— KFC Big Bash League (@BBL) December 31, 2024

இருவரும் ஒருவருக்கு ஒருவர் வாக்குவாதத்தில் ஈடுபட்டத்தை அடுத்து கள நடுவர் இருவரையும் தடுத்து நிறுத்தி சமாதானப்படுத்தினார். இதனையடுத்து ஜேமி ஓவர்டன் மற்றும் ஃபின் ஆலான் இருவரும் வாக்குவாதத்தில் ஈடுபட்ட காணொளி தற்சமயம் இணையத்தில் வைரலாகி வருகிறது. மேற்கொண் போட்டியில் பெர்த் ஸ்கார்ச்சர்ஸ் அணி ஏழு விக்கெட் வித்தியாசத்தில் வெற்றி பெற்று புள்ளிகள் பட்டியலில் இரண்டாவது இடத்திற்கு முன்னேறியுள்ளது குறிப்பிடத்தக்கது. 

Win Big, Make Your Cricket Tales Now